18 сакавіка, Мінск /Кар. БЕЛТА/. Прэзідэнт Беларусі Аляксандр Лукашэнка ў Глыбокім пасля наведвання малочнакансервавага камбіната і дэгустацыі згушчанага малака прыехаў на мясакамбінат, перадае карэспандэнт БЕЛТА.
Адразу пасля прыезду - размова аб сыравінных зонах. Магутнасці ёсць, але трэба забяспечыць іх эфектыўную загрузку і правільна задзейнічаць працоўныя рэсурсы.
У прыватнасці, размова ішла аб магчымасці аб'яднання Глыбоцкага мясакамбіната з аналагічным прадпрыемствам у Мёрах. Кіраўнік дзяржавы даручыў прапрацаваць пытанне, паколькі аб'яднаць не праблема, але перш за ўсё важны вынік. "Калі іх аб'ядноўваць, але што ты там будзеш рабіць. Падумай, што ў Мёрах рабіць", - звярнуўся Прэзідэнт да кіраўніка Глыбоцкага мясакамбіната.
"Трэба радыкальна прымаць рашэнне. У нас такія магутнасці і перапрацоўка! Кантроль ёсць. І санітарны, і іншае", - заўважыў беларускі лідар.
Кіраўнік дзяржавы адзначыў, што дадаткова вывучыць гэта пытанне ў час плануемага наведвання вытворчасці белай бляхі на металапракатным заводзе.
Аляксандру Лукашэнку таксама далажылі аб рэканструкцыі мясакамбіната, фінансава-эканамічных паказчыках. Прыбытак і рэнтабельнасць ёсць, але і вялікі патэнцыял для паляпшэння адпаведных паказчыкаў таксама ёсць.-0-
