26 красавіка, Брагін /Кар. БЕЛТА/. Прэзідэнт Беларусі Аляксандр Лукашэнка прадаўжае паездку па раёнах, пацярпелых ад аварыі на Чарнобыльскай АЭС. У гадавіну катастрофы кіраўнік дзяржавы наведвае Брагін у Гомельскай вобласці, перадае карэспандэнт БЕЛТА.
Кіраўніку дзяржавы даложаць аб добраўпарадкаванні сквера ў Брагіне, Аляксандр Лукашэнка прыме ўдзел у цырымоніі закладкі Алеі Памяці і ўстаноўцы памятнага знака ў памяць 35-годдзя аварыі на ЧАЭС.
Затым каля помніка ўраджэнцу Брагінскага раёна Васілю Ігнаценку адбудзецца мітынг-рэквіем.
Бюст Васіля Ігнаценкі і архітэктурная кампазіцыя, якая нагадвае аб адселеных вёсках раёна, размешчаны на цэнтральнай плошчы Брагіна. Васіль Ігнаценка якраз з'яўляецца ўраджэнцам адной з такіх вёсак - Спярыжжа. У дзень аварыі на ЧАЭС 35 гадоў таму ён, з'яўляючыся камандзірам аддзялення пажарнай часці горада Прыпяць, прыбыў на станцыю для тушэння пажару на 4-м энергаблоку, які прадаўжаў функцыянаваць. Яго аддзяленне поўнасцю ліквідавала пажар на даху. Нягледзячы на атрыманыя апёкі, ён дапамагаў сваім таварышам па службе, якія страчвалі прытомнасць, спусціцца з даху. У сярэдзіне мая Васіль Ігнаценка памёр ад атрыманага радыяцыйнага апрамянення ў Маскве і быў пахаваны на Міцінскіх могілках. Праз 20 гадоў пасля трагедыі, у красавіку 2006 года, яму было прысвоена званне "Герой Украіны" за подзвіг у імя сённяшніх і будучых пакаленняў, асабістую мужнасць і самаахвярнасць.-0-