Сцяг Серада, 21 лютага 2024
Усе навіны
Усе навіны
Прэзідэнт
21 мая 2021, 13:51

Лукашэнка: у ЕАЭС важна актывізаваць працэс фарміравання агульных рынкаў энергарэсурсаў

21 мая, Мінск /Кар. БЕЛТА/. У Еўразійскім эканамічным саюзе важна актывізаваць працэс фарміравання агульных рынкаў энергарэсурсаў. Аб гэтым Прэзідэнт Беларусі Аляксандр Лукашэнка заявіў сёння, выступаючы на пасяджэнні Вышэйшага Еўразійскага эканамічнага савета, якое праводзіцца ў рэжыме відэаканферэнцыі, перадае карэспандэнт БЕЛТА.

"Выкарыстанне пераваг узаемнай дапаўняльнасці нашых эканомік дасць магчымасць забяспечыць хуткі і якасны эканамічны прагрэс у саюзе. Для дасягнення мэт, вызначаных прынятай раней стратэгіяй, вельмі важна актывізаваць працэс фарміравання агульных рынкаў энергарэсурсаў", - падкрэсліў кіраўнік дзяржавы.

Ён таксама заявіў аб усямернай падтрымцы работы, накіраванай на зняцце бар'ераў, скарачэнне выключэнняў і абмежаванняў, а таксама недапушчэнне ўзнікнення новых перашкод на ўнутраным рынку саюза. "У мінулым годзе дасягнуты пэўны тэмп устаранення парушэнняў права саюза, яго трэба захоўваць", - сказаў Аляксандр Лукашэнка.-0-

Падпісвайцеся на нас у
Twitter
Топ-навіны
Свежыя навіны Беларусі