15 верасня, Душанбэ /Кар. БЕЛТА/. Прэзідэнт Беларусі Аляксандр Лукашэнка, знаходзячыся з рабочым візітам у Душанбэ, сустрэўся з Прэзідэнтам Таджыкістана Эмамалі Рахмонам, перадае карэспандэнт БЕЛТА.
Сустрэча кіраўнікоў дзяржаў адбылася ў хуткім часе пасля прыбыцця Аляксандра Лукашэнкі ў Душанбэ. Кіраўнікі дзяржаў абмеркавалі развіццё двухбаковага супрацоўніцтва, ваенна-палітычную абстаноўку ў рэгіёне і пытанні правядзення ў бліжэйшыя дні ў таджыкскай сталіцы самітаў АДКБ і ШАС.
Яшчэ адну сустрэчу з кіраўніцтвам Таджыкістана Прэзідэнт Беларусі правёў адразу ж пасля прылёту ў Душанбэ: у аэрапорце Аляксандр Лукашэнка пагутарыў з прэм'ер-міністрам краіны Кахірам Расулзадой.
Як паведамлялася, у сталіцы Таджыкістана 15-17 верасня пройдуць сесія Савета калектыўнай бяспекі АДКБ і пасяджэнне Савета кіраўнікоў дзяржаў - членаў Шанхайскай арганізацыі супрацоўніцтва. У кіраўніка беларускай дзяржавы таксама запланаваны шэраг двухбаковых сустрэч з замежнымі калегамі.-0-
