Сцяг Аўторак, 19 сакавіка 2024
Усе навіны
Усе навіны
Прэзідэнт
27 мая 2020, 09:41

Лукашэнка: у Беларусі высока цэняць гістарычна складзеныя братэрскія адносіны з Татарстанам

27 мая, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Прэзідэнта Рэспублікі Татарстан Расійскай Федэрацыі Рустама Мініханава са 100-годдзем з дня ўтварэння Татарскай АССР. Аб гэтым БЕЛТА паведамілі ў прэс-службе кіраўніка дзяржавы.

"Сучасны Татарстан - рэспубліка з магутным сацыяльна-эканамічным патэнцыялам і ўнікальнай культурна-гістарычнай спадчынай. Яна па праву ўваходзіць у лік самых перадавых суб'ектаў Расійскай Федэрацыі. Залогам гэтых поспехаў з'яўляюцца ўпартая праца, ініцыятыўнасць, глыбокае пачуццё патрыятызму вашых грамадзян", - гаворыцца ў віншаванні.

Аляксандр Лукашэнка адзначыў, што ў Беларусі высока цэняць гістарычна складзеныя братэрскія адносіны з Татарстанам, якія ў поўнай меры адпавядаюць інтарэсам абодвух народаў. Прэзідэнт выказаў упэўненасць, што гэта рэспубліка і ў далейшым будзе прыкладам стабільнасці і працвітання, а яе дружалюбныя сувязі з Беларуссю напоўняцца новымі ўзаемавыгаднымі праектамі.-0-

Падпісвайцеся на нас у
Twitter
Топ-навіны
Свежыя навіны Беларусі