ДЗЯРЖОРГАНЫДЗЯРЖОРГАНЫ
Флаг Панядзелак, 8 жніўня 2022
Мінск Суцэльная воблачнасць +20°C
Усе навіны
Усе навіны
Прэзідэнт
03 снежня 2021, 13:12

Лукашэнка: у 2022 годзе мы павінны мець адназначную лічбу інфляцыі 6 працэнтаў

У час нарады
У час нарады

3 снежня, Мінск /Кар. БЕЛТА/. Прэзідэнт Беларусі Аляксандр Лукашэнка запатрабаваў прыняць меры па "ўтаймаванні" інфляцыі. Аб гэтым кіраўнік дзяржавы заявіў сёння на нарадзе па сацыяльна-эканамічным развіцці краіны, перадае карэспандэнт БЕЛТА.

"Пытанні грашова-крэдытнай палітыкі традыцыйна праходзяць у нас у нейкім аблегчаным фармаце. Але не на гэты раз, - адзначыў беларускі лідар. - Самая абмяркоўваемая тэма цяпер - высокая інфляцыя". Пры гэтым Прэзідэнт падкрэсліў: ёсць аргументы, што інфляцыя "імпартавана", але не трэба канцэнтравацца толькі на іх.

"Мы плануем у будучым годзе мець адназначную лічбу інфляцыі 6 працэнтаў", - сказаў кіраўнік дзяржавы.

Звяртаючыся да старшыні праўлення Нацыянальнага банка, Прэзідэнт запатрабаваў далажыць, якія меры плануюцца па стрымліванні росту інфляцыі. "І памятайце: гэта не павінна ісці ва ўрон эканамічнаму развіццю краіны, за якое вы адказваеце ў звязцы з прэм'ер-міністрам, - папярэдзіў кіраўнік дзяржавы. - Абазначце, якія меры падтрымкі эканамічнага росту прадугледжаны грашова-крэдытнай палітыкай на 2022 год".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі