4 лістапада, Пухавіцкі раён /Кар. БЕЛТА/. Беларуская атамная электрастанцыя аказалася падарункам і паратункам для краіны. Аб гэтым Прэзідэнт Беларусі Аляксандр Лукашэнка заявіў на цырымоніі афіцыйнага запуску вытворчасці камбікармоў і амінакіслот БНБК у Пухавіцкім раёне, перадае карэспандэнт БЕЛТА.
У час сустрэчы з працоўным калектывам Аляксандр Лукашэнка нагадаў аб падзеях 2020 года, калі апаненты заклікалі закрыць Беларускую атамную электрастанцыю. "Гулялі на карысць Захаду", - растлумачыў Прэзідэнт.
Кіраўнік дзяржавы звярнуў увагу, што сёння і сама Польшча плануе будаўніцтва некалькіх атамных станцый. "Чаго ж нас прымушалі закрыць гэту станцыю? Цяпер вы зразумелі, што атамная станцыя - гэта падарунак Беларусі? Гэта паратунак, таму што электрычнасць сёння на Захадзе эканомяць як толькі могуць", - падкрэсліў Аляксандр Лукашэнка.
"Атамная станцыя - гэта танная электраэнергія. Мы цяпер ужо не толькі транспарт пераводзім на электрычнасць, мы сёння будуем жылыя дамы, дзе ўсё будзе на электрычнасці. Без электрычнасці не можа быць эканомікі, - дадаў Прэзідэнт. - Павядзіся мы тады на гэтыя заклікі, вы ведаеце, дзе б мы сёння былі".-0-
