11 студзеня, Мінск /Кар. БЕЛТА/. Трывалыя духоўныя апоры дапамаглі беларусам захаваць родную мову, культуру і традыцыі. Аб гэтым Прэзідэнт Беларусі Аляксандр Лукашэнка заявіў сёння на цырымоніі ўручэння прэміі "За духоўнае адраджэнне", спецыяльнай прэміі дзеячам культуры і мастацтва і прэміі "Беларускі спартыўны Алімп", перадае карэспандэнт БЕЛТА.
"Не маючы трывалых духоўных апор, наўрад ці беларусы, прайшоўшы праз шматгадовыя войны і нягоды, здолелі б захаваць родную мову, культуру, традыцыі, якія звязалі стагоддзі і пакаленні, - сказаў Прэзідэнт. - Здавалася б, простыя ісціны, але давайце заглянем крыху далей за нашы граніцы. Ці ўсе народы сёння, як мы, жывуць як мае быць, у міры і згодзе? На жаль, не. Часам і ў нас бывае".
Кіраўнік дзяржавы адзначыў, што на дварэ 21-ы век - век навукі, прагрэсу і ўнікальных тэхналогій, а сотні мільёнаў людзей у свеце церпяць ад войнаў, хвароб і голаду.-0-
