![](https://blr.belta.by/images/storage/news/with_archive/2024/000019_1707126178_127601_big.jpg)
5 лютага, Мінск /Кар. БЕЛТА/. Трэба знайсці магчымасці без лішніх пасрэднікаў выбудаваць лагістыку з Камчаткай. Аб гэтым Прэзідэнт Беларусі Аляксандр Лукашэнка заявіў на сустрэчы з губернатарам Камчацкага края Расіі Уладзімірам Соладавым, перадае карэспандэнт БЕЛТА.
Кіраўнік дзяржавы цёпла вітаў кіраўніка расійскага рэгіёна, адзначыўшы, што гэта першы яго візіт у Беларусь у такім статусе. "Вельмі спадзяюся, нягледзячы на няблізкую адлегласць, што гэта не апошні (візіт. - Заўвага БЕЛТА), - дадаў Прэзідэнт. - Вы вельмі правільна сказалі: "Калі едзеш да добрых людзей, то адлегласць змяншаецца". Хачу, каб вы ведалі, што вы прыехалі да самых прыстойных і надзейных для любога расіяніна людзей".
Разам з губернатарам прыбыла прадстаўнічая, салідная дэлегацыя, што, паводле слоў Прэзідэнта, сведчыць аб вялікіх мэтах і сур'ёзных намерах. У сувязі з гэтым беларускі лідар запэўніў расійскі бок у гатоўнасці "падключыцца і зрабіць максімум" для развіцця супрацоўніцтва.
У той жа час геаграфічная аддаленасць Камчаткі ад Беларусі не павінна перашкаджаць вырашэнню разнапланавых задач, дружбе і супрацоўніцтву, упэўнены Аляксандр Лукашэнка.
"Перакананы: нам удасца знайсці магчымасці, каб без лішніх пасрэднікаў выбудаваць нашы адносіны. І тым самым мы даб'ёмся таго, што прадукцыя, якую мы пастаўляем туды і назад, будзе значна таннейшая", - падкрэсліў кіраўнік дзяржавы.
Аб магчымым удзеле ў грандыёзным праекце
Гаворачы аб перспектыўных праектах, Прэзідэнт згадаў аб грандыёзнай задумцы па будаўніцтве ў Ахоцкім моры Пенжынскай прыліўной электрастанцыі. "Пэўныя кампетэнцыі ў нас ёсць. Калі мы вам спатрэбімся ў плане праектавання і будаўніцтва гэтага аб'екта, будзем рады прыняць удзел у гэтым знакавым будаўніцтве", - сказаў кіраўнік дзяржавы.
Аб наладжванні прамых паставак рыбы і морапрадуктаў
Аляксандр Лукашэнка заўважыў, што Камчацкі край слаўны сваімі ўнікальнымі марскімі багаццямі. "Будзе вельмі правільна і выгадна, калі мы паспрабуем наладзіць супрацоўніцтва ў гэтай сферы", - лічыць кіраўнік дзяржавы. Ён расказаў, што, бываючы ў Расіі, у прыватнасці на Далёкім Усходзе, часта цікавіўся тэматыкай паставак у Беларусь рыбнай прадукцыі з такіх аддаленых рэгіёнаў. "Мне ўсе ў адзін голас кажуць, што можна здабываць, прадаваць, закупляць прадукцыю недзе бліжэй, - сказаў Прэзідэнт. - Але нам хацелася б, каб мы паспрабавалі пастаўляць ад вас гэту прадукцыю. У нас у гэтым плане вялікі дэфіцыт". Кіраўнік дзяржавы прапанаваў, каб спецыялісты прапрацавалі пытанне прамых паставак рыбнай прадукцыі, выключыўшы пры гэтым непатрэбнае пасрэдніцтва.
![](/uploads/images/1-1-2-3-4-5-6-7-8-9-10-11-12-13-14-15-16.jpg)
Перспектыўнай мадэллю развіцця супрацоўніцтва, паводле яго слоў, можа выступіць стварэнне расійскім рэгіёнам перапрацоўчых вытворчасцей у Беларусі. "Калі гэта будзе выгадна - можна паспрабаваць. Мы створым самы спрыяльны рэжым для работы і пастаўкі вашай прадукцыі ў любую кропку, куды вам будзе выгадна", - сказаў кіраўнік дзяржавы.
Прэзідэнт падкрэсліў, што ў Беларусі інвестыцыі добрасумленнага бізнесу надзейна абаронены дзяржавай.
Акрамя таго, у Беларусі існуе вялікая сетка гандлёва-лагістычных комплексаў, абсталяваных усім неабходным, уключаючы пад'язныя шляхі, умовы для захоўвання і сартавання тавараў. "Да вашых паслуг, калі ў гэтым будзе неабходнасць. Самі захочаце нешта тут пабудаваць - акажам адпаведную падтрымку", - прапанаваў Аляксандр Лукашэнка.
Аб садзейнічанні ў забеспячэнні Камчаткі мясам і малаком
Сярод сфер супрацоўніцтва, якія ўяўляюць узаемны інтарэс, Прэзідэнт назваў таксама аграпрамысловы комплекс. "З улікам вашых планаў па павелічэнні самазабяспечанасці Камчаткі малаком і мясам мы гатовы прадаставіць патрэбнае абсталяванне для сельскагаспадарчых комплексаў і малочнатаварных комплексаў", - адзначыў Аляксандр Лукашэнка.
Беларусь таксама мае багаты вопыт па стварэнні вытворчасцей малочнай прадукцыі, у тым ліку дзіцячага харчавання.
![](/uploads/images/2-1-2-3-4-5-6-7-8-9-10-11-12-13-14-15-16-17-18-19-20.jpg)
Аб турыстычным патэнцыяле
На сустрэчы размова ішла ў тым ліку і аб развіцці турыстычнага патэнцыялу. "Камчацкі край - гэта мара любога падарожніка, у тым ліку і мяне", - сказаў Аляксандр Лукашэнка. Прэзідэнт заўважыў, што быў час, калі і расіяне, і беларусы захапіліся замежнымі ваяжамі. Але апошнім часам, на шчасце, растуць аб'ёмы ўнутранага турызму, асабліва ў Расіі. А Беларусь у 2023 годзе наведалі больш за 1 млн расіян.
"Словам, Уладзімір Віктаравіч, мы гатовы абмеркаваць любыя пытанні, якія вас цікавяць, і прыняць рашэнне, - падкрэсліў Прэзідэнт. - Калі вас цікавяць якія-небудзь прадпрыемствы - усе дзверы адчынены, на ўсе заводы, фабрыкі... Паглядзіце, што вам спадабаецца, мы гатовы вам падставіць плячо і супрацоўнічаць з вамі ўзаемна - купляць і прадаваць".-0-
Кіраўнік дзяржавы цёпла вітаў кіраўніка расійскага рэгіёна, адзначыўшы, што гэта першы яго візіт у Беларусь у такім статусе. "Вельмі спадзяюся, нягледзячы на няблізкую адлегласць, што гэта не апошні (візіт. - Заўвага БЕЛТА), - дадаў Прэзідэнт. - Вы вельмі правільна сказалі: "Калі едзеш да добрых людзей, то адлегласць змяншаецца". Хачу, каб вы ведалі, што вы прыехалі да самых прыстойных і надзейных для любога расіяніна людзей".
Разам з губернатарам прыбыла прадстаўнічая, салідная дэлегацыя, што, паводле слоў Прэзідэнта, сведчыць аб вялікіх мэтах і сур'ёзных намерах. У сувязі з гэтым беларускі лідар запэўніў расійскі бок у гатоўнасці "падключыцца і зрабіць максімум" для развіцця супрацоўніцтва.
У той жа час геаграфічная аддаленасць Камчаткі ад Беларусі не павінна перашкаджаць вырашэнню разнапланавых задач, дружбе і супрацоўніцтву, упэўнены Аляксандр Лукашэнка.
"Перакананы: нам удасца знайсці магчымасці, каб без лішніх пасрэднікаў выбудаваць нашы адносіны. І тым самым мы даб'ёмся таго, што прадукцыя, якую мы пастаўляем туды і назад, будзе значна таннейшая", - падкрэсліў кіраўнік дзяржавы.
Аб магчымым удзеле ў грандыёзным праекце
Гаворачы аб перспектыўных праектах, Прэзідэнт згадаў аб грандыёзнай задумцы па будаўніцтве ў Ахоцкім моры Пенжынскай прыліўной электрастанцыі. "Пэўныя кампетэнцыі ў нас ёсць. Калі мы вам спатрэбімся ў плане праектавання і будаўніцтва гэтага аб'екта, будзем рады прыняць удзел у гэтым знакавым будаўніцтве", - сказаў кіраўнік дзяржавы.
Аб наладжванні прамых паставак рыбы і морапрадуктаў
Аляксандр Лукашэнка заўважыў, што Камчацкі край слаўны сваімі ўнікальнымі марскімі багаццямі. "Будзе вельмі правільна і выгадна, калі мы паспрабуем наладзіць супрацоўніцтва ў гэтай сферы", - лічыць кіраўнік дзяржавы. Ён расказаў, што, бываючы ў Расіі, у прыватнасці на Далёкім Усходзе, часта цікавіўся тэматыкай паставак у Беларусь рыбнай прадукцыі з такіх аддаленых рэгіёнаў. "Мне ўсе ў адзін голас кажуць, што можна здабываць, прадаваць, закупляць прадукцыю недзе бліжэй, - сказаў Прэзідэнт. - Але нам хацелася б, каб мы паспрабавалі пастаўляць ад вас гэту прадукцыю. У нас у гэтым плане вялікі дэфіцыт". Кіраўнік дзяржавы прапанаваў, каб спецыялісты прапрацавалі пытанне прамых паставак рыбнай прадукцыі, выключыўшы пры гэтым непатрэбнае пасрэдніцтва.
![](/uploads/images/1-1-2-3-4-5-6-7-8-9-10-11-12-13-14-15-16.jpg)
Перспектыўнай мадэллю развіцця супрацоўніцтва, паводле яго слоў, можа выступіць стварэнне расійскім рэгіёнам перапрацоўчых вытворчасцей у Беларусі. "Калі гэта будзе выгадна - можна паспрабаваць. Мы створым самы спрыяльны рэжым для работы і пастаўкі вашай прадукцыі ў любую кропку, куды вам будзе выгадна", - сказаў кіраўнік дзяржавы.
Прэзідэнт падкрэсліў, што ў Беларусі інвестыцыі добрасумленнага бізнесу надзейна абаронены дзяржавай.
Акрамя таго, у Беларусі існуе вялікая сетка гандлёва-лагістычных комплексаў, абсталяваных усім неабходным, уключаючы пад'язныя шляхі, умовы для захоўвання і сартавання тавараў. "Да вашых паслуг, калі ў гэтым будзе неабходнасць. Самі захочаце нешта тут пабудаваць - акажам адпаведную падтрымку", - прапанаваў Аляксандр Лукашэнка.
Аб садзейнічанні ў забеспячэнні Камчаткі мясам і малаком
Сярод сфер супрацоўніцтва, якія ўяўляюць узаемны інтарэс, Прэзідэнт назваў таксама аграпрамысловы комплекс. "З улікам вашых планаў па павелічэнні самазабяспечанасці Камчаткі малаком і мясам мы гатовы прадаставіць патрэбнае абсталяванне для сельскагаспадарчых комплексаў і малочнатаварных комплексаў", - адзначыў Аляксандр Лукашэнка.
Беларусь таксама мае багаты вопыт па стварэнні вытворчасцей малочнай прадукцыі, у тым ліку дзіцячага харчавання.
![](/uploads/images/2-1-2-3-4-5-6-7-8-9-10-11-12-13-14-15-16-17-18-19-20.jpg)
Аб турыстычным патэнцыяле
На сустрэчы размова ішла ў тым ліку і аб развіцці турыстычнага патэнцыялу. "Камчацкі край - гэта мара любога падарожніка, у тым ліку і мяне", - сказаў Аляксандр Лукашэнка. Прэзідэнт заўважыў, што быў час, калі і расіяне, і беларусы захапіліся замежнымі ваяжамі. Але апошнім часам, на шчасце, растуць аб'ёмы ўнутранага турызму, асабліва ў Расіі. А Беларусь у 2023 годзе наведалі больш за 1 млн расіян.
"Словам, Уладзімір Віктаравіч, мы гатовы абмеркаваць любыя пытанні, якія вас цікавяць, і прыняць рашэнне, - падкрэсліў Прэзідэнт. - Калі вас цікавяць якія-небудзь прадпрыемствы - усе дзверы адчынены, на ўсе заводы, фабрыкі... Паглядзіце, што вам спадабаецца, мы гатовы вам падставіць плячо і супрацоўнічаць з вамі ўзаемна - купляць і прадаваць".-0-