ДЗЯРЖОРГАНЫДЗЯРЖОРГАНЫ
Флаг Серада, 4 жніўня 2021
Мінск Суцэльная воблачнасць +18°C
Усе навіны
Усе навіны
Прэзідэнт
24 чэрвеня 2021, 09:47

Лукашэнка: супрацоўніцтва з Мальтыйскім ордэнам мае асаблівае значэнне для Беларусі

Фота з Twitter-акаўнту Junno Arocho Esteves
Фота з Twitter-акаўнту Junno Arocho Esteves

24 чэрвеня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Лейтэнанта Вялікага магістра Суверэннага Ваеннага Ордэна Гаспітальераў Святога Іаана Іерусалімскага, Родаса і Мальты Марка Луцагу з Днём Святога Іаана Хрысціцеля. Аб гэтым БЕЛТА паведамілі ў прэс-службе беларускага лідара.

Кіраўнік дзяржавы адзначыў, што супрацоўніцтва з ордэнам мае асаблівае значэнне для Беларусі: "Мальтыйскі ордэн больш як 900 гадоў застаецца сапраўдным правадніком ідэалаў міру, згоды і любві, аб чым сведчаць неабыякавая пазіцыя і бескарыслівая дапамога нашай краіне".

У гэтым годзе адзначаецца 25-годдзе дыпламатычных адносін. "Адзінства поглядаў дало магчымасць нам ужо чвэрць стагоддзя эфектыўна падтрымліваць адзін аднаго на міжнародных пляцоўках, разам садзейнічаць ініцыятывам па найважнейшых пытаннях сучаснасці", - гаворыцца ў віншаванні.

Аляксандр Лукашэнка звярнуў увагу, што Беларусь падзяляе каштоўнасці, на якіх заснаваны Мальтыйскі ордэн. "Цяпер мы адстойваем менавіта справядлівасць у адносінах да нашай краіны, заклікаем да разважнасці замежных партнёраў, падкрэсліваем значнасць устрымання ад эмацыянальных паспешных дэкларацый і неабдуманых дзеянняў, падтрымліваем сілу духу для таго, каб застацца вернымі свайму народу і таму шляху, які ён выбраў", - падкрэсліў Прэзідэнт.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі