3 чэрвеня, Мінск /Кар. БЕЛТА/. Сучасныя пандэміі - гэта вялікая барацьба за грошы і рэсурсы. Аб гэтым Прэзідэнт Беларусі Аляксандр Лукашэнка заявіў на цырымоніі адкрыцця ў Мінску новага будынка 9-й гарадской дзіцячай паліклінікі, перадае карэспандэнт БЕЛТА.
"Помніце: пандэмія, пандэмія, лакдаўны, спыніць жыццё і не дыхаць. Мы жыццё не спынілі, мы дыхалі. І дзе сёння гэта пандэмія?" - спытаў Аляксандр Лукашэнка.
Кіраўнік дзяржавы адзначыў, што на змену пандэміі каранавіруса прыйшла іншая - воспа малпаў. "Скончыцца воспа малпаў - прыдумаюць нешта новае. Гэта вялікая барацьба за велізарныя грошы, за рэсурсы. І не толькі - за розумы людзей", - перакананы Прэзідэнт.
"Помніце, я вам гаварыў, вы ўбачыце, да чаго прывядзе пандэмія: дай бог, каб не да гарачай вайны. Пакуль у нас яна не палае, дзякуй богу, і мы ўсё зробім для таго, каб гэтага не было. А глядзіце, што робіцца ў свеце. І не толькі вайна. Паглядзіце ў эканоміцы: цэны растуць, - звярнуў увагу Аляксандр Лукашэнка. - Хто б мог падумаць, што такі багаты Захад паедзе ў Беларусь, якая знаходзіцца пад санкцыямі, каб купіць соль або крупы. Няхай едуць, купляюць. Нам не шкада".-0-
