Мабільная версія
ДЗЯРЖОРГАНЫ

Апошнія навіны
Усе навіны

Лукашэнка строга раскрытыкаваў законапраект аб процідзеянні дамашняму насіллю

Прэзідэнт 05.10.2018 | 15:58
Фота з архіва
Фота з архіва

5 кастрычніка, Івацэвіцкі раён /Міхаіл Маціеўскі - БЕЛТА/. Прэзідэнт Беларусі Аляксандр Лукашэнка строга раскрытыкаваў законапраект аб процідзеянні дамашняму насіллю. Сваім меркаваннем аб гэтай праблеме кіраўнік дзяржавы сёння падзяліўся з журналістамі, перадае карэспандэнт БЕЛТА.

"Усё гэта дур, узяты перш за ўсё з Захаду. Вы можаце не перажываць, і народ няхай не хвалюецца - мы будзем зыходзіць выключна з уласных інтарэсаў, нашых беларускіх, славянскіх традыцый і нашага жыццёвага вопыту", - сказаў Аляксандр Лукашэнка.

"Недзе хтосьці сказаў - аб процідзеянні насіллю ў сям'і. Гэта цяпер модная фармулёўка на Захадзе. У іх хутка сем'яў не будзе: мужык з мужыком жэніцца або выходзіць замуж. Дзяцей няма каму нараджаць. А мы ў іх пераймаем нейкія нормы паводзін у сям'і", - дадаў Прэзідэнт.

Законапраект аб процідзеянні дамашняму насіллю распрацоўвала Міністэрства ўнутраных спраў. На думку кіраўніка дзяржавы, гэтым дакументам павінны займацца іншыя структуры: у першую чаргу прадстаўнікі органаў улады на месцах, грамадскія арганізацыі, урад, Адміністрацыя Прэзідэнта. Але меркаванне міліцыі пры гэтым, вядома, трэба ўлічваць, падкрэсліў Прэзідэнт.

Кіраўнік дзяржавы прызнаўся, што не прыхільнік таго, каб караць дзяцей. Але часам, на яго думку, гэтага не атрымліваецца пазбегнуць. "Трэба зыходзіць з той сітуацыі, якая ў нас складваецца. Добры рэмень часам таксама карысны для дзіцяці. Не для ўсіх, вядома, - адзначыў Прэзідэнт. - Віктару як старэйшаму часта даставалася ад мяне. Сярэдні, Дзіма, ужо бачыў, як Віцю пападала, і роўненька стаяў побач. Малодшага, яму пятнаццаты год, я наогул ніколі не караў: ён гэтага не заслугоўваў".

"Гэта наша традыцыя, наша жыццё, і мы будзем выхоўваць так, як трэба. Пажаданні міліцыі мы ўлічым. Можа, нават не законам, а абыдземся ўнясеннем змяненняў у існуючыя законапраекты. У нас ёсць адпаведная Дырэктыва Прэзідэнта, якая датычыцца гэтых праблем, - прывёў прыклад Аляксандр Лукашэнка. - А таму, што гэта людзі абмяркоўваюць і іх абурае некаторае глупства ў праекце закона, я рады. Абвастраючы гэту праблему, яны звяртаюць на яе маю ўвагу. Таму будзе так, як трэба і выгадна нам, зыходзячы з нашых традыцый і вопыту".

У канцэпцыі закона аб процідзеянні дамашняму насіллю змешчана шмат новых норм, якія ўжо не адзін месяц бурна абмяркоўваюць у Беларусі. Шмат спрэчак, у прыватнасці, выклікаюць такія паняцці, як "эканамічнае насілле", калі мужа і жонку называюць проста - партнёры. Не менш пытанняў да норм выхавання дзяцей. Напрыклад, прапануецца лічыць насіллем сітуацыю, калі бацькі не даюць дзіцяці кішэнных грошай або прымушаюць прыбіраць рэчы.

Паводле інфармацыі БЕЛТА, у Адміністрацыі Прэзідэнта нядаўна абмяркоўвалася калектыўнае пісьмо, якое падпісалі каля 6 тыс. грамадзян. У ім яны выказалі сваю нездаволенасць прапануемымі новаўвядзеннямі.-0-

Версія для друку
Навіны рубрыкі Прэзідэнт
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Рэкамендацыі для тых, хто плануе паездкі ў Ізраіль Пры ўзнікненні спрэчных сітуацый на граніцы прасіць супрацоўнікаў міграцыйнай службы звязацца з запрашаючымі асобамі для пацвярджэння імі гатоўнасці прыняць вас ва ўзгодненыя тэрміны.