ДЗЯРЖОРГАНЫДЗЯРЖОРГАНЫ
Чацвер, 28 мая 2020
Мінск Пераменная воблачнасць +16°C
Усе навіны
Усе навіны
Прэзідэнт
27 сакавіка 2020, 14:11

Лукашэнка строга перасцярог бізнес ад звальнення людзей у складаны час

Аляксандр Лукашэнка
Аляксандр Лукашэнка

27 сакавіка, Мінскі раён /Кар. БЕЛТА/. Прэзідэнт Беларусі Аляксандр Лукашэнка перасцярог бізнес ад звальнення людзей у складаны час. Адпаведную заяву кіраўнік дзяржавы зрабіў сёння, наведваючы ААТ "Белгіпс", перадае карэспандэнт БЕЛТА.

"Асабліва прыватныя прадпрыемствы, я заўважыў (учора інфармацыя паступіла), пачалі згортваць работу, перш за ўсё будаўнічыя фірмы, і, галоўнае, звальняць людзей. Перадайце прыватнікам, каб усе пачулі: калі толькі хоць адна кампанія, дробная або вялікая, выкіне на вуліцу людзей (у дзяржаўных гэта немагчыма, таму што мы гэта кантралюем), яна наўрад ці далей будзе існаваць у Беларусі", - заявіў Аляксандр Лукашэнка.

Прэзідэнт падкрэсліў, што ў цяжкі час людзей трэба, наадварот, падтрымліваць і захоўваць працоўныя месцы. Ён упэўнены, што ў бізнесу ёсць для гэтага магчымасці. "Няхай у сябе ў кішэнях, сейфах пакапаюцца, падтрымаюць сваю кампанію і людзей, якія на іх працавалі і зараблялі гэтыя грошы", - падкрэсліў кіраўнік дзяржавы.

Паводле яго слоў, пакуль сітуацыя не з'яўляецца праблемнай у Беларусі, але негатыўныя тэндэнцыі ўжо намячаюцца. "Гэта толькі пачатак. Але можа быць горш. Выкінуць людзей прасцей. Кішэні грашыма набіты, асабліва ў будаўнікоў: на кватэрах зарабілі. Цяпер ён людзей выкіне і гэтыя грошы будзе траціць на сябе, а потым прыйдзе і скажа: я ж рабочыя сілы магу аднавіць, але дай мне або танны крэдыт, або субсідыю з бюджэту. Няхай апошнім падзеляцца, але людзей на вуліцу не выкідваюць", - рэзюмаваў Аляксандр Лукашэнка.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі