Сцяг Субота, 18 мая 2024
Усе навіны
Усе навіны
Прэзідэнт
12 сакавіка 2024, 11:29

Лукашэнка ставіць задачу інтэнсіўнага і эфектыўнага асваення радовішчаў карысных выкапняў

12 сакавіка, Мінск /Кар. БЕЛТА/. У Беларусі неабходна інтэнсіўна і эфектыўна асвойваць радовішчы, здабываць і перапрацоўваць карысныя выкапні. Такую задачу паставіў Прэзідэнт Беларусі Аляксандр Лукашэнка 12 сакавіка на нарадзе аб стане і развіцці мінеральна-сыравіннай базы рэспублікі, нарошчванні геолагаразведачных работ, у тым ліку па вуглевадароднай сыравіне, перадае карэспандэнт БЕЛТА.

Прэзідэнт звярнуў увагу на тое, што ўсе карысныя выкапні з'яўляюцца нацыянальным здабыткам краіны, стратэгічным запасам, які належыць народу, і толькі народу. Размова і пра калій, і пра нафту, і пра прэсную ваду (бясцэнны рэсурс на планеце апошнім часам), і шмат іншага.

"Тым, што мы маем, трэба разумна і па-гаспадарску распараджацца. У аснову дзяржава заўсёды ставіць пытанні інтэнсіўнага асваення радовішчаў, эфектыўнасці і рацыянальнага выкарыстання, а таксама ўкаранення самых перадавых тэхналогій здабычы, перапрацоўкі і, асабліва ў нашых умовах, пошуку новых карысных выкапняў", - падкрэсліў Прэзідэнт.

Стан мінеральна-сыравіннай базы і яе далейшае развіццё ўжо абмяркоўваўся на такой нарадзе восем гадоў таму, нагадаў Аляксандр Лукашэнка. Даручэнні былі дадзены таксама і пры назначэнні Андрэя Худыка міністрам прыродных рэсурсаў і аховы навакольнага асяроддзя ў 2017 годзе.

"Тады мы з вамі гаварылі, што ў Беларусі нядрэнна вывучаны прыродныя багацці, якія знаходзяцца на паверхні. А вось пра тое, што пад зямлёй, ведаем далёка не ўсё. Таму трэба нарошчваць геолагаразведачныя работы", - сказаў кіраўнік дзяржавы.

Прэзідэнт падкрэсліў асаблівае значэнне ўласных мінеральна-сыравінных рэсурсаў, паколькі яны з'яўляюцца залогам суверэнітэту і стабільнага развіцця эканомікі. Тым больш актуальна гэта цяпер, калі ў адносінах да Беларусі з кожным годам узмацняецца санкцыйны націск.

"Надышоў час зверыць гадзіннікі. І знайсці рашэнні для самых праблемных і недастаткова прапрацаваных пытанняў. Такіх нямала. Хоць, зразумела, у нас ёсць вельмі паспяховыя галіны", - заявіў кіраўнік дзяржавы.-0-
Падпісвайцеся на нас у
Twitter
Топ-навіны
Свежыя навіны Беларусі