5 жніўня, Мінск /Уладзімір Мацвееў - БЕЛТА/. Прэзідэнт Беларусі Аляксандр Лукашэнка заяўляе, што ва ўсіх сваіх дзеяннях ён стараецца прытрымлівацца прынцыпу справядлівасці. Аб гэтым ён заявіў сёння ў інтэрв'ю вядомаму ўкраінскаму журналісту Дзмітрыю Гардону, перадае карэспандэнт БЕЛТА.
У інтэрв'ю Прэзідэнт расказаў пра сутнасць сваёй палітыкі - як унутранай, так і знешняй. "Калі гэта датычыцца краіны, калі я бачу, што гэта несправядліва, для мяне гэта непрымальна. Справядлівасць - гэта аснова таго, што я спрабую рабіць, або правядзення любой палітыкі. У аснове - справядлівасць", - заявіў кіраўнік дзяржавы.
Аляксандр Лукашэнка акцэнтаваў увагу, што законы - гэта добра, але ў іх часам усё не прапішаш. "Справядлівасць - гэта галоўнае. Калі я бачу, што спрабуюць нахіліць маіх людзей, мой народ, Беларусь - гэта ўсё", - падкрэсліў беларускі лідар.-0-
