29 жніўня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў народ Малдовы з нацыянальным святам - Днём Незалежнасці. Аб гэтым БЕЛТА паведамілі ў прэс-службе беларускага лідара.
Кіраўнік дзяржавы адзначыў, што за гады суверэнітэту абедзве краіны шмат дасягнулі ў развіцці двухбаковых адносін, аснову якіх заўсёды складалі павага і ўзаемавыгаднае партнёрства.
"Перакананы, ва ўмовах нарастання напружанасці ў еўрапейскім рэгіёне ўмацаванне эканамічных і культурных сувязей дасць магчымасць захаваць традыцыі добрасуседства і дружалюбнай падтрымкі, - падкрэсліў Прэзідэнт. - Шчыра спадзяюся, што беларуска-малдаўскае супрацоўніцтва, якое мае шматбаковы характар і цалкам адпавядае інтарэсам двух народаў, прадоўжыцца і прынясе адчувальную ўзаемную карысць".
Аляксандр Лукашэнка пажадаў усім жыхарам Малдовы мірнага неба, шчасця, дабрабыту і працвітання.-0-
