ДЗЯРЖОРГАНЫДЗЯРЖОРГАНЫ
Флаг Чацвер, 19 мая 2022
Мінск Суцэльная воблачнасць +17°C
Усе навіны
Усе навіны
Прэзідэнт
28 студзеня 2022, 11:53

Лукашэнка: сфарміраваная сістэма светаўладкавання фактычна ўжо адышла ў мінулае

28 студзеня, Мінск /Кар. БЕЛТА/. Сфарміраваная сістэма светаўладкавання фактычна ўжо адышла ў мінулае. Аб гэтым Прэзідэнт Беларусі Аляксандр Лукашэнка заявіў сёння ў Пасланні беларускаму народу і Нацыянальнаму сходу, перадае карэспандэнт БЕЛТА.

"Сёння зразумела нават скептыкам - сфарміраваная сістэма светаўладкавання адыходзіць у мінулае. Фактычна ўжо адышла. Мы з'яўляемся сведкамі перафармаціравання сусветнай палітыкі, эканомікі і культуры", - сказаў Аляксандр Лукашэнка.

Прэзідэнт канстатаваў, што паўсюдна крытычна павышаецца ўзровень агрэсіі, дзёрзкая рыторыка стала нормай, а міратворчыя ініцыятывы кладуцца пад сукно.

"Буйныя ядзерныя дзяржавы спрабуюць выбудаваць новыя дамоўленасці, разумеючы, што трэцюю сусветную планета наўрад ці зможа перажыць. Але знайсці кампраміс пакуль не ўдаецца. Грамадскае меркаванне рыхтуюць да непазбежнасці вайны. Людзей прымушаюць жыць з такой думкай. Па сутнасці, вырашаецца лёс чалавецтва: або новыя дамоўленасці, або далейшая эскалацыя і новая сусветная вайна", - упэўнены кіраўнік дзяржавы.

На яго думку, гэта адбываецца таму, што ў свеце не хапае прадуктаў харчавання, ідзе жорсткая барацьба за рэсурсы і рынкі збыту. "Ні навука, ні чалавецтва не паспяваюць асвоіць танныя рэсурсы: энергіі ветру, сонца, вады і гэтак далей. Вельмі, напэўна, захапіліся ўзбраеннем. Таму рэсурсаў не хапае. Заяўляючы аб тым, што патрэбны новыя рэсурсы, ідзём да зялёнай эканомікі, усе пакуль імкнуцца эксплуатаваць старыя крыніцы, і іх не хапае", - адзначыў Прэзідэнт.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі