ДЗЯРЖОРГАНЫДЗЯРЖОРГАНЫ
Флаг Серада, 17 жніўня 2022
Мінск Малавоблачна +19°C
Усе навіны
Усе навіны
Прэзідэнт
07 чэрвеня 2022, 10:35

Лукашэнка сёння сустрэнецца з кіраўніком эмірацкай кампаніі Emaar Properties

7 чэрвеня, Мінск /Кар. БЕЛТА/. Прэзідэнт Беларусі Аляксандр Лукашэнка сёння сустрэнецца з кіруючым дырэктарам эмірацкай кампаніі Emaar Properties Махамедам Алі Алабарам, паведамляе БЕЛТА.

"Кампанія з ААЭ - адзін з буйнейшых у свеце інвестараў у галіне будаўніцтва. Сёння даведаемся падрабязнасці рэалізацыі ў Мінску праекта "Паўночны бераг", а таксама супрацоўніцтва з беларускім ПВТ", - напісаў Telegram-канал "Пул Першага".

Кіраўнік дзяржавы ўжо сустракаўся з Махамедам Алі Алабарам 28 чэрвеня 2021 года. Арабскі бізнес рэалізуе ў Мінску маштабны праект разумнага горада, які атрымаў назву "Паўночны бераг". На наступны дзень пасля сустрэчы з кіраўніком дзяржавы кіраўнік Emaar Properties і старшыня Мінгарвыканкама Уладзімір Кухараў падпісалі інвестыцыйны дагавор аб будаўніцтве "Паўночнага берага".

Праект разлічаны да 2040 года і прадугледжвае інвестыцыі ў памеры 4 млрд еўра. Разумны горад размесціцца ў межах МКАД - пр.Пераможцаў - вул.Арлоўская - Цнянскае вадасховішча. У складзе комплексу будуць пабудаваны жылыя дамы з усёй неабходнай інжынернай і транспартнай інфраструктурай, сацыяльныя аб'екты і аб'екты грамадскага прызначэння агульнай плошчай больш за 6 млн кв.м.

Махамед Алі Алабар лічыцца адным з найбольш буйных і паспяховых бізнесменаў ААЭ. Ён з'яўляецца саветнікам па эканамічных і інвестыцыйных пытаннях (асабістых і дзяржаўных) кіраўнікоў Абу-Дабі і Дубая. Гэты арабскі бізнесмен - фактычна ідэйны натхняльнік і выканаўца канцэпцыі стварэння сучаснага Дубая. Махамед Алі Алабар - саўладальнік буйных міжнародных кампаній у галіне электроннага гандлю, грамадскага харчавання, моды і дызайну.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі