ДЗЯРЖОРГАНЫДЗЯРЖОРГАНЫ
Флаг Нядзеля, 23 студзеня 2022
Мінск Суцэльная воблачнасць -11°C
Усе навіны
Усе навіны
Прэзідэнт
26 кастрычніка 2021, 09:55

Лукашэнка сёння наведвае з рабочай паездкай Ліду

Фота з архіва
Фота з архіва

26 кастрычніка, Мінск /Кар. БЕЛТА/. Прэзідэнт Беларусі Аляксандр Лукашэнка наведвае сёння з рабочай паездкай Ліду Гродзенскай вобласці, паведамляе БЕЛТА.

Кіраўнік дзяржавы наведае Лідскую цэнтральную раённую бальніцу, дзе пойдзе размова аб лячэнні жыхароў рэгіёна ва ўмовах цяперашняй эпідабстаноўкі. У гэтым плане Прэзідэнту даложаць аб стане спраў як у Лідзе і Лідскім раёне, так і Гродзенскай вобласці ў цэлым.

Лідская ЦРБ з'яўляецца шматпрофільнай арганізацыяй аховы здароўя для аказання экстраннай, планавай і кансультатыўнай медыцынскай дапамогі жыхарам Лідскага і прылеглых раёнаў. На базе ўстановы функцыянуюць 11 міжраённых стацыянарных аддзяленняў.

На тэрыторыі Гродзенскай вобласці паказчык захваральнасці на каранавірусную інфекцыю за апошнія два тыдні знізіўся на 6,5 працэнта. На гэты час выдзелена для лячэння і рэабілітацыі пацыентаў з COVID-19 прыкладна 3,4 тыс. ложкаў, або 35 працэнтаў ад існуючага фонду. Перапрафіляванне ложкаў ажыццяўляецца паэтапна па меры неабходнасці. На гэты момант захаваны ўсе віды планавай дапамогі. Арганізацыі аховы здароўя вобласці ў дастатковай колькасці забяспечаны апаратамі штучнай вентыляцыі лёгкіх, ложкавы фонд забяспечаны 1725 кіслароднымі кропкамі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі