12 ліпеня, Мінск /Кар. БЕЛТА/. Сацыяльная падтрымка ваенных і сілавога блока будзе ўзмоцнена з 2023 года. Аб гэтым Прэзідэнт Беларусі Аляксандр Лукашэнка заявіў на цырымоніі ўшаноўвання выпускнікоў ваенных ВНУ і вышэйшага афіцэрскага складу, перадае карэспандэнт БЕЛТА.
"Палітыка нашай дзяржавы, накіраваная на падтрымку чалавека ў пагонах, мадэрнізацыю Узброеных Сіл - галоўнага гаранта суверэнітэту і незалежнасці Беларусі - была і застаецца нязменнай. Павінен вам сказаць, што гэта палітыка ў плане сацыяльнай абароны нашых ваенных, наогул сілавых структур будзе ўзмоцнена ўжо з будучага года", - падкрэсліў Аляксандр Лукашэнка.-0-
