26 студзеня, Мінск /Кар. БЕЛТА/. Прэзідэнт Беларусі Аляксандр Лукашэнка пасля атрымання расійскага ракетнага комплексу "Арэшнік" разлічвае размясціць яго на тэрыторыі краіны бліжэй да Смаленска. Аб гэтым ён заявіў на прэс-канферэнцыі ў Мінску, перадае карэспандэнт БЕЛТА.
"Туды, бліжэй да Смаленска. Я так мару. А там паглядзім. Трэба вызначаная адлегласць. Дрэнна, калі твае аб'екты паражэння вельмі блізка. Але і калі вельмі далёка, меншую нагрузку яны могуць несці. Таму я разглядаю недзе каля вас (Расіі. - Заўвага БЕЛТА). Тым больш, гэта ж агульная зброя. Але я не гавару, што пад Смаленскам. Я проста цяпер так думаю", - сказаў кіраўнік дзяржавы.
Адказваючы на пытанне аб тэрмінах паставак у Беларусь "Арэшніка", Аляксандр Лукашэнка растлумачыў, што ён з Уладзімірам Пуціным тэрміны не вызначаў. "Па-першае, гэта не гарыць. Я, вядома, разумею, што і ў Расіі "Арэшнік" гэты патрэбны і гэтак далей. Ну і потым, гэта не так проста. Калі я сказаў "10 комплексаў", я пажартаваў, - сказаў Прэзідэнт. - Гэта шалёныя грошы. І прамысловасць Расіі не толькі ж "Арэшнікі" вырабляе. Я гэта разумею. Дастаткова аднаго комплексу "Арэшніка", каб засцерагчы Беларусь ад небяспекі. Але яны патрэбны і ў Расіі. І мы не агаворвалі канкрэтныя тэрміны. Не гарыць. Для таго, каб Беларусі абараняцца, у нас дастаткова (іншага ўзбраення. - Заўвага БЕЛТА)".
"Трэба - мы яшчэ ў Расіі сёе-тое возьмем і папросім. Ну а калі ўжо вельмі нешта надзвычайнае і патрэбны будзе "Арэшнік", ну дык мы ўвядзём яго з Расіі - тыя, якія ў іх сёння ёсць. У нас гэта па бяспецы тэрыторыя, якая падлягае абароне агульнымі намаганнямі, створана сумесная групоўка Беларусі і Расіі. Якая б вайна ва Украіне ні ішла, а гэта групоўка ў нас існуе", - дадаў Прэзідэнт.
Ён таксама адзначыў, што планы дыслацыраваць "Арэшнік" у Беларусі - гэта ў адказ на жаданне і магчымасць размяшчэння амерыканскіх ракет сярэдняй далёкасці ў Еўропе. "Таму калі яны адмовяцца ад гэтага, тады я старэйшаму брату скажу: "Давай пачакаем". Няважна, будуць яны ў Смаленску ці ў Оршы. Для нас не важна. А нам важна, каб амерыканскія ракеты сярэдняй далёкасці не трапілі на тэрыторыю Еўропы, таму што яны могуць быць аснашчаны і ядзерным кампанентам. Калі гаварыць шчыра", - заявіў беларускі лідар.
Паводле яго слоў, першую ўстаноўку "Арэшніка" размесцяць, як толькі яна будзе выраблена ў Расіі.-0-
"Туды, бліжэй да Смаленска. Я так мару. А там паглядзім. Трэба вызначаная адлегласць. Дрэнна, калі твае аб'екты паражэння вельмі блізка. Але і калі вельмі далёка, меншую нагрузку яны могуць несці. Таму я разглядаю недзе каля вас (Расіі. - Заўвага БЕЛТА). Тым больш, гэта ж агульная зброя. Але я не гавару, што пад Смаленскам. Я проста цяпер так думаю", - сказаў кіраўнік дзяржавы.
Адказваючы на пытанне аб тэрмінах паставак у Беларусь "Арэшніка", Аляксандр Лукашэнка растлумачыў, што ён з Уладзімірам Пуціным тэрміны не вызначаў. "Па-першае, гэта не гарыць. Я, вядома, разумею, што і ў Расіі "Арэшнік" гэты патрэбны і гэтак далей. Ну і потым, гэта не так проста. Калі я сказаў "10 комплексаў", я пажартаваў, - сказаў Прэзідэнт. - Гэта шалёныя грошы. І прамысловасць Расіі не толькі ж "Арэшнікі" вырабляе. Я гэта разумею. Дастаткова аднаго комплексу "Арэшніка", каб засцерагчы Беларусь ад небяспекі. Але яны патрэбны і ў Расіі. І мы не агаворвалі канкрэтныя тэрміны. Не гарыць. Для таго, каб Беларусі абараняцца, у нас дастаткова (іншага ўзбраення. - Заўвага БЕЛТА)".
"Трэба - мы яшчэ ў Расіі сёе-тое возьмем і папросім. Ну а калі ўжо вельмі нешта надзвычайнае і патрэбны будзе "Арэшнік", ну дык мы ўвядзём яго з Расіі - тыя, якія ў іх сёння ёсць. У нас гэта па бяспецы тэрыторыя, якая падлягае абароне агульнымі намаганнямі, створана сумесная групоўка Беларусі і Расіі. Якая б вайна ва Украіне ні ішла, а гэта групоўка ў нас існуе", - дадаў Прэзідэнт.
Ён таксама адзначыў, што планы дыслацыраваць "Арэшнік" у Беларусі - гэта ў адказ на жаданне і магчымасць размяшчэння амерыканскіх ракет сярэдняй далёкасці ў Еўропе. "Таму калі яны адмовяцца ад гэтага, тады я старэйшаму брату скажу: "Давай пачакаем". Няважна, будуць яны ў Смаленску ці ў Оршы. Для нас не важна. А нам важна, каб амерыканскія ракеты сярэдняй далёкасці не трапілі на тэрыторыю Еўропы, таму што яны могуць быць аснашчаны і ядзерным кампанентам. Калі гаварыць шчыра", - заявіў беларускі лідар.
Паводле яго слоў, першую ўстаноўку "Арэшніка" размесцяць, як толькі яна будзе выраблена ў Расіі.-0-
Падпісвайцеся на нас у
