18 лістапада, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Султана Амана Хайсама бен Тарэка аль Саіда і народ гэтай краіны з Нацыянальным днём. Аб гэтым БЕЛТА паведамілі ў прэс-службе беларускага лідара.
Кіраўнік дзяржавы адзначыў, што Беларусь імкнецца развіваць канструктыўныя адносіны з Аманам, які валодае значным патэнцыялам, з'яўляецца носьбітам унікальнай культурнай спадчыны.
"Разлічваю на паспяховае супрацоўніцтва паміж нашымі дзяржавамі ў гандлёвай і інвестыцыйнай сферах, а таксама ў галінах адукацыі, навукі і інавацый, - падкрэсліў Прэзідэнт. - Беларускі бок імкнецца да паглыблення кантактаў на ўсіх узроўнях".
Аляксандр Лукашэнка пажадаў Хайсаму бен Тарэку аль Саіду моцнага здароўя і новых дасягненняў, а дружалюбнаму народу Амана - міру і працвітання.-0-
