ДЗЯРЖОРГАНЫДЗЯРЖОРГАНЫ
Флаг Чацвер, 6 кастрычніка 2022
Мінск 0°C
Усе навіны
Усе навіны
Прэзідэнт
21 ліпеня 2022, 17:17

Лукашэнка растлумачыў, як звязаны голад і дыктатура

У час інтэрв'ю
У час інтэрв'ю

21 ліпеня, Мінск /Кар. БЕЛТА/. Прэзідэнт Беларусі Аляксандр Лукашэнка ў інтэрв'ю інфармацыйнаму агенцтву Франс Прэс (AFP, Agence France-Presse) выказаўся на тэму магчымага харчовага крызісу і спосабаў яго прадухіліць, перадае карэспандэнт БЕЛТА.

"Цяпер усе гавораць пра голад. І я згодны, што мы вельмі блізка ад гэтага бар'ера. Голад проста стукаецца. Многія галадаюць ужо. Можна было б сказаць: "Не крытычна". Але як "не крытычна", калі кожныя 10 секунд памірае дзіця ў свеце? Не голад? Голад. Будзе яшчэ горш. І я вельмі жорстка цяпер стаўлю пытанне (гэта датычыцца вяскоўцаў, ды і ўсёй краіны) па ўборцы ўраджаю. Трэба сабраць усё. Трэба мабілізавацца. Таму што, не дай бог, голад, вось тады будзе дыктатура. І ў Францыі ў тым ліку. Таму што трэба народ выратаваць. Не накарміць, а выратаваць, каб людзі не памерлі", - сказаў беларускі лідар.

Паводле яго слоў, такія жорсткія патрабаванні з боку кіраўніка дзяржавы могуць быць расцэнены як дыктатура, але ў такім выпадку гэта апраўдана важнай мэтай - палепшыць жыццё людзей, не дапусціць крытычных сітуацый. "Калі ласка, можаце мяне за гэта крытыкаваць. Але я гэта абгрунтоўваю тым, каб заўтра было людзям лепш. А не тое, што мне вось хочацца дыктаваць і я страціў розум, седзячы ў цэнтры Еўропы, у адносна невялікай краіне, з невялікім насельніцтвам, я пачынаю дыктаваць і яшчэ душыць уласны народ, які прагаласаваў за мяне даўным-даўно і падтрымлівае мяне да гэтага часу", - адзначыў Аляксандр Лукашэнка.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі