4 лістапада, Пухавіцкі раён /Кар. БЕЛТА/. Прэзідэнт Беларусі Аляксандр Лукашэнка на сустрэчы з працоўным калектывам пасля цырымоніі афіцыйнага запуску вытворчасці камбікармоў і амінакіслот БНБК растлумачыў, чаму ў рэспубліцы прадаўжаюць адзначаць Дзень Кастрычніцкай рэвалюцыі, перадае карэспандэнт БЕЛТА.
Аляксандр Лукашэнка заўважыў, што рашэнне захаваць свята маладому пакаленню можа падацца дзіўным, паколькі, з іншага боку, улады заяўляюць, што беларусы не прымаюць рэвалюцый.
"Наша гісторыя мінулага стагоддзя якраз заснавана на нейкіх прынцыпах. Мы да 7 Лістапада заўсёды (партыя нас так вучыла) рабілі народу падарунак. І канец года практычна, і сельгасработы завяршаюцца. І адна з матывацый, каб пакінуць гэта свята, у мяне была якраз такая: прывыклі людзі атрымліваць падарункі ад улады, адзін ад аднаго - давайце пакінем", - расказаў Прэзідэнт.
Кіраўнік дзяржавы адзначыў, што ў Беларусі штогод да 7 Лістапада адкрываюцца новыя аб'екты: ад дзіцячых садоў да буйных вытворчасцей касмічных маштабаў.
"Гэтым перш за ўсё я аргументаваў тое, што мы гэта свята захаваем", - рэзюмаваў Аляксандр Лукашэнка.-0-
