2 снежня, Мінск /Кар. БЕЛТА/. Прэзідэнт Беларусі Аляксандр Лукашэнка назваў назначэнне новага міністра культуры вельмі знакавай падзеяй. Аб гэтым кіраўнік дзяржавы заявіў 2 снежня, прымаючы кадравыя рашэнні, перадае карэспандэнт БЕЛТА.
Новым міністрам культуры стаў артыст Руслан Чарнецкі. Цяпер ён таксама з'яўляецца членам Пастаяннай камісіі Палаты прадстаўнікоў па адукацыі, культуры і навуцы.
"Калі не найважнейшае, то вельмі знакавае назначэнне. У элементах нашу культуру вы адчулі добра, вы яе прайшлі: і канцэртная дзейнасць, і кіношная, і гэтак далей. Адзінае пытанне: ці зможаце вы гэтым усім кіраваць. Мы, вядома, будзем рабіць усё, каб у вас быў чалавек, на якога вы маглі б разлічваць і які гэтым у жыцці ўжо займаўся", - сказаў Аляксандр Лукашэнка.
Прэзідэнт адзначыў, што яму не раз даводзілася сутыкацца з работнікамі культуры. Паводле слоў кіраўніка дзяржавы, гэта вельмі розныя людзі, але таленавітыя, здольныя і вельмі амбіцыйныя. "Напэўна, вам таксама гэта блізка і вы разберацеся з гэтым. Я заўсёды шкадую міністра культуры ў тым плане, што яму даводзіцца такі націск вытрымліваць", - заявіў ён.
"Нібыта яны (работнікі культуры. - Заўвага БЕЛТА) патрыятычныя, накіраваны да адной мэты, але так па-рознаму ідуць да гэтага... З пачатку сваёй прэзідэнцкай дзейнасці я ўнікаў ва ўсе праблемы кожнага культурнага работніка. Ва ўсе праблемы. Стараўся разабрацца. Потым я зразумеў, што калі буду займацца толькі праблемамі гэтых людзей, то на ўсё астатняе ў мяне не хопіць часу. Ды і бачу: зробіш добра - усе задаволены, а на заўтра якая-небудзь група заўзята выступае супраць таго, што ты зрабіў, і гаворыць, што ўсё гэта няправільна і не трэба было ім дапамагаць ці яшчэ нешта. Увогуле, чахарда была", - расказаў Аляксандр Лукашэнка.
Кіраўнік дзяржавы заўважыў, што ў сферы культуры вельмі жорсткая канкурэнцыя, але ад гэтага нікуды не дзенешся. "Але трэба канкурыраваць. Хто больш таленавіты, той і наверсе. Хто не зможа гэту канкурэнцыю вытрымліваць, што ж, ён сам сабе выбраў гэту дарогу. Хоць не скажу, што я не падтрымліваю імкненне людзей быць наверсе. Яны ўсе хочуць быць наверсе, на вачах - такая ў іх работа", - дадаў Прэзідэнт.-0-
Падпісвайцеся на нас у
