21 сакавіка, Мінск /Кар. БЕЛТА/. Залог паспяховага развіцця Беларусі - у эфектыўнай рабоце ўсіх галін улады і паспяховай рэалізацыі імі ўсіх прынятых рашэнняў. Аб гэтым Прэзідэнт Беларусі Аляксандр Лукашэнка заявіў на сустрэчы з дэпутатамі Палаты прадстаўнікоў і членамі Савета Рэспублікі Нацыянальнага сходу сёмага склікання, перадае карэспандэнт БЕЛТА.
Паводле слоў кіраўніка дзяржавы, прынятыя канстытуцыйныя навацыі ў частцы пераразмеркавання паўнамоцтваў паміж Прэзідэнтам, парламентам, урадам, мясцовымі органамі кіравання і самакіравання накіраваны на тое, каб усе галіны ўлады працавалі эфектыўна, у поўным аб'ёме выконвалі свае функцыі, самастойна прымалі рашэнні і, што вельмі важна, адказвалі за іх рэалізацыю.
"Гэта залог далейшага паспяховага развіцця нашай краіны", - заявіў Аляксандр Лукашэнка.
"Законы мы прывялі ў адпаведнасць, ураўнаважылі законы і ўказы. Але не трэба забываць, што ёсць яшчэ ведамасныя акты дзяржаўных органаў. Думаю, што ўрад арганізуе работу па прывядзенні іх у адпаведнасць з вышэйшымі нарматыўна-прававымі актамі. Гэту задачу ўраду трэба вырашыць", - сказаў кіраўнік дзяржавы.-0-
Паводле слоў кіраўніка дзяржавы, прынятыя канстытуцыйныя навацыі ў частцы пераразмеркавання паўнамоцтваў паміж Прэзідэнтам, парламентам, урадам, мясцовымі органамі кіравання і самакіравання накіраваны на тое, каб усе галіны ўлады працавалі эфектыўна, у поўным аб'ёме выконвалі свае функцыі, самастойна прымалі рашэнні і, што вельмі важна, адказвалі за іх рэалізацыю.
"Гэта залог далейшага паспяховага развіцця нашай краіны", - заявіў Аляксандр Лукашэнка.
Прэзідэнт адзначыў, што прыняцце паправак у Канстытуцыю запатрабавала прывядзення ў адпаведнасць з ёй каля 90 законаў. Гэта адказная, карпатлівая работа доўжылася амаль два гады.
