21 ліпеня, Мінск /Кар. БЕЛТА/. Прэзідэнт Беларусі Аляксандр Лукашэнка расказаў, хто стаіць за правакацыямі ў адрас Беларусі. Адпаведныя заявы ён зрабіў 19 ліпеня ў інтэрв'ю тэлеканалу Sky News Arabia, паведамляе БЕЛТА.
Адказваючы на пытанне, хто можа стаяць за правакацыямі ў адрас Беларусі, хто ў іх зацікаўлены і ініцыюе, Аляксандр Лукашэнка сказаў: "За правакацыямі перш за ўсё, гэта нам абсалютна вядома, стаяць ЗША, іх спецслужбы і не толькі. Перш за ўсё гэты парадак дня фарміруюць там палітыкі, а спецслужбы - выканаўцы. Таму што заказаць забойства Прэзідэнта магчыма толькі са згоды вышэйшага кіраўніцтва той ці іншай краіны. Краіны, з якіх ажыццяўляецца выкананне гэтых мерапрыемстваў, мы іх таксама ведаем - гэта Літва, часткова Латвія, перш за ўсё Польшча і Украіна".
"Апошнім часам мы бачым кіраўніцтва тэрарыстамі, якія дзейнічаюць у Беларусі, з боку Германіі", - дадаў кіраўнік дзяржавы.
"З імі па-добраму немагчыма. Дэмакратыя, правы чалавека - гэта ўсё словы. Мы зусім нядаўна пры спробе ўчынення тэрарыстычных актаў на тэрыторыі Беларусі і забойства журналістаў, вашых калег, затрымалі вялікую колькасць людзей. Мы гэтыя факты перадалі кіраўніцтву Германіі. Вы думаеце, нам да гэтага часу адказалі? Не, - падкрэсліў Аляксандр Лукашэнка. - З боку збеглых беларусаў, экстрэмістаў, тэрарыстаў, спланаваны чарговыя правакацыі супраць Беларусі. Мы такія факты накіравалі праваахоўным органам Літвы і Польшчы. Вы думаеце, былі якія-небудзь дзеянні з боку кіраўніцтва Літвы і Польшчы? Не, наадварот, нагнятаецца сітуацыя. Таму з імі на чалавечай мове, на мове права дарэмна размаўляць".
Кіраўнік дзяржавы адзначыў, што Беларусь знаходзілася і знаходзіцца не ў тым становішчы, каб узбударажыць увесь свет парушэннем міжнародных норм і правоў. "Гэта сабе можа дазволіць Амерыка. Трэба ім разбамбіць Ірак - яны яго разбамбілі, трэба было паставіць на калені Афганістан - яны яго паставілі і пайшлі адтуль. Гэта яны сабе могуць дазволіць. Ну, магчыма, маглі б дзейнічаць з прычыны сваёй моцы Кітай, Расія - магутная ў ваенных адносінах краіна. Але не мы. Мы ведаем сваё месца", - сказаў Прэзідэнт.
Аляксандр Лукашэнка падкрэсліў, што калектыўны Захад на чале з Вашынгтонам не могуць дазволіць Беларусі быць суверэннай і незалежнай дзяржавай. "А мы гаворым аб тым, што гэта наша права быць суверэннымі і незалежнымі і вызначаць сваю палітыку. І мы дабіваемся гэтага права, мы яго абараняем і будзем абараняць", - запэўніў кіраўнік дзяржавы.-0-
