Фота з архіва
Навіны сюжэта
"Выбары Прэзідэнта Рэспублікі Беларусь"
26 студзеня, Мінск /Кар. БЕЛТА/. Прэзідэнт Беларусі Аляксандр Лукашэнка ў час размовы з журналістамі пасля галасавання на выбарчым участку расказаў, хто можа быць будучым Прэзідэнтам Беларусі, перадае карэспандэнт БЕЛТА.
Раней кіраўнік дзяржавы неаднаразова заяўляў, што ўлада ў краіне будзе перадавацца новаму пакаленню. "Маладое пакаленне - гэта не мой малодшы сын і не мой старэйшы сын", - звярнуў увагу Аляксандр Лукашэнка.
Прэзідэнт расказаў, што нядаўна прачытаў у "гадкіх рэсурсах", што "зняў з пасады" свайго старэйшага сына. Як вядома, раней Віктар Лукашэнка быў памочнікам кіраўніка дзяржавы па пытаннях нацыянальнай бяспекі.
"Час прыйшоў. Мы ліквідавалі гэту пасаду. Размеркавалі (абавязкі. - Заўвага БЕЛТА) паміж дзяржсакратаром, ААЦ і КДБ. І нармальна цяпер працуем. Але я са здзіўленнем даведаўся, што я, аказваецца, свайго старэйшага сына адхіліў ад пасады. Самы паслухмяны у мяне - гэта старэйшы сын. І нібыта я ўжо малодшаму (ледзь ці не гавару. - Заўвага БЕЛТА): "Будзеш Прэзідэнтам". Ды ён у страшным сне гэта сабе ўявіць не можа ўжо цяпер, і ніводны з маіх сыноў", - заявіў Аляксандр Лукашэнка.
"Але будучая пяцігодка - гэта пяцігодка маладых людзей. І настаў час нам, старэйшаму пакаленню, перадаць краіну. Не толькі ўладу. Я гаварыў пра пакаленне, не пра персаналіі. А вы ў мяне адразу: хто гэта будзе? Гэта будзе новае пакаленне. Зразумела, напэўна, будзе і новы Прэзідэнт, - сказаў кіраўнік дзяржавы. - Будзем пакрыху рыхтаваць новае пакаленне. Вы паглядзіце, будучыя прэзідэнты (хацелася б) - гэта цяперашнія губернатары, цяперашнія міністры, члены ўрада, кіраўнікі палат парламентаў, вышэйшыя службовыя асобы. Гэта людзі ўжо зусім іншыя".
У той жа час Аляксандр Лукашэнка лічыць, што Прэзідэнт у Беларусі - гэта не жаночая пасада. "Жанчына не можа быць дыктатарам, а мужыкоў у нас ужо з'явілася нямала для таго, каб узначаліць наша кіраўніцтва, - сказаў ён. - І ў сферы культуры ў нас моцныя людзі ёсць, не шоўмены, а сапраўдныя. І ў сродках масавай інфармацыі. Паглядзіце, зусім новае пакаленне прыйшло", - падкрэсліў кіраўнік дзяржавы.-0-
Падпісвайцеся на нас у
