22 верасня, Салігорск /Кар. БЕЛТА/. Рэзервы беларускай вёскі сканцэнтраваны ў перапрацоўцы прадукцыі жывёлагадоўлі. Аб гэтым Прэзідэнт Беларусі Аляксандр Лукашэнка заявіў на пленарным пасяджэнні рэспубліканскага семінара-нарады аб развіцці жывёлагадоўлі, перадае карэспандэнт БЕЛТА.
"Менавіта ў жывёлагадоўлі, а дакладней, у перапрацоўцы сёння сканцэнтраваны рэзервы беларускай вёскі", - звярнуў увагу Аляксандр Лукашэнка.
Узровень загрузкі вытворчых магутнасцей па мясе і каўбасе ў 2022 годзе склаў усяго каля 70 працэнтаў, па натуральнамалочнай прадукцыі - толькі 60 працэнтаў. "Колькі тон малака, мяса і мільярдаў рублёў мы недаатрымалі ў выніку? - задаў рытарычнае пытанне Прэзідэнт. - Гэта шчасце наша, што ў нас ёсць перапрацоўка. Гэта значыць, мы ад зямлі можам атрымаць колькі хочаце прадукцыі і гатовы яе перапрацаваць".
Як адзначыў губернатар Брэсцкай вобласці Юрый Шулейка, прадпрыемствы яго рэгіёна гатовы перапрацоўваць больш прадукцыі, чым цяпер. Некаторыя з іх сур'ёзна недазагружаны. Напрыклад, па малаку рэзервы прыкладна 20 працэнтаў, па мясе яшчэ больш.-0-
