Сцяг Пятніца, 29 сакавіка 2024
Усе навіны
Усе навіны
Прэзідэнт
15 сакавіка 2022, 15:53

Лукашэнка расказаў аб спробе ўдару па тэрыторыі Беларусі ракетай "Кропка-У"

15 сакавіка, Мінск /Кар. БЕЛТА/. Прэзідэнт Беларусі Аляксандр Лукашэнка расказаў аб спробе ўдару па тэрыторыі Беларусі ракетай "Кропка-У", якую перахапілі і збілі ў раёне ракі Прыпяць. Аб гэтым кіраўнік дзяржавы заявіў сёння на сустрэчы з кіруючым і аператыўным складам органаў дзяржаўнай бяспекі, перадае карэспандэнт БЕЛТА.

"Я вас папярэджваў, што нас будуць штурхаць у гэту аперацыю, у гэту вайну (ва Украіне. - Заўвага БЕЛТА). Нас будуць спрабаваць туды ўцягнуць. Сведчаннем таго з'яўляецца літаральна два дні таму ноччу пуск чарговы на тэрыторыю нашай Беларусі - удар па нашай тэрыторыі - ракетай "Кропка-У", якую мы паспяхова з расіянамі перахапілі і знішчылі над Прыпяццю. Недзе там каля рэчкі валяецца. Каму цікава, хто бліжэй, схадзіце, паглядзіце. Гэта не закрыта. Гэта не фэйк - тое, што я вам кажу. Проста мы аб гэтым не гаварылі. Нам трэба было разабрацца, што там адбываецца", - заявіў беларускі лідар.

"Што гэта такое? Яны што, адной ракетай хочуць разбамбіць Беларусь? Ды не атрымаецца. Гэта ракета проста не даляціць да нас. Але навошта гэта робіцца? Для таго, каб нас узбудзіць, і каб мы пачалі адказваць. Але мы не такія прастачкі. Мы калі адкажам, то адкажам сур'ёзна ўжо. Што адчуюць усе. Пакуль церпім", - дадаў кіраўнік дзяржавы.-0-

Падпісвайцеся на нас у
Twitter
Топ-навіны
Свежыя навіны Беларусі