28 лістапада, Астана /Кар. БЕЛТА/. Расійскі ракетны комплекс "Арэшнік" аказаў моцнае ўздзеянне на сусветную супольнасць. Аб гэтым Прэзідэнт Беларусі Аляксандр Лукашэнка заявіў журналістам у Астане на палях саміту АДКБ, перадае карэспандэнт БЕЛТА.
Кіраўніка дзяржавы спыталі, ці павінна астудзіць дэманстрацыя магчымасцей "Арэшніка" тых, хто давёў свет і паставіў на мяжу трэцяй сусветнай вайны.
"Дык ужо астудзіла. Гэта ж мы адразу бачым па заявах у СМІ. Праўда, ужо няма адзінай лініі, усё пайшло ўразнабой. Гэта сведчыць аб тым, што крыху разгубіліся, - адзначыў кіраўнік дзяржавы. - Але зброя добрая. Не ядзерная зброя, а па сваёй моцы супастаўная з ядзернай зброяй. Але без пранікальнай радыяцыі, без заражэння мясцовасці і аб'ектаў".
"Такое моцнае ўздзеянне на так званую сусветную супольнасць і асабліва тых, хто думаў, што ўсё абыдзецца. Не абыдзецца", - падкрэсліў беларускі лідар.
Адказваючы на ўдакладняльнае пытанне, наколькі гэта важна для бяспекі Саюзнай дзяржавы, Прэзідэнт сказаў: "Безумоўна. Я тут старэйшаму брату (гаворка пра Прэзідэнта Расіі Уладзіміра Пуціна. - Заўвага БЕЛТА) пажартаваў, гавару: "Месцы гатовы дыслакацыі. Калі?" - "Падумаем" (адказаў Уладзімір Пуцін. - Заўвага БЕЛТА)".-0-
Падпісвайцеся на нас у
