12 красавіка, Амурская вобласць /Кар. БЕЛТА/. Расія гатова падтрымаць беларускія нафтаперапрацоўчыя заводы. Аб гэтым Прэзідэнт Беларусі Аляксандр Лукашэнка заявіў журналістам па выніках перагавораў з кіраўніком расійскай дзяржавы Уладзімірам Пуціным на касмадроме Усходні ў Амурскай вобласці, перадае карэспандэнт БЕЛТА.
"І па газу мы гаварылі, і па нафце. Больш таго, Прэзідэнт (Расіі. - Заўвага БЕЛТА) сказаў: "Мы падтрымаем вашы нафтаперапрацоўчыя заводы гэтак жа, як аказваем падтрымку ў Расійскай Федэрацыі", - падкрэсліў Аляксандр Лукашэнка.
Прэзідэнт адзначыў, што ўрады працуюць над гэтым пытаннем.
Таксама, паводле слоў кіраўніка дзяржавы, у час перагавораў абмяркоўвалася далейшае фарміраванне агульнага рынку, кааперацыя ў сельскай гаспадарцы і прамысловасць, ваеннае супрацоўніцтва.-0-