5 кастрычніка, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Прэзідэнта Таджыкістана Эмамалі Рахмона з днём нараджэння. Аб гэтым карэспандэнту БЕЛТА паведамілі ў прэс-службе беларускага лідара.
"Высокі прафесіяналізм, кампетэнтнасць, незвычайная энергія і мудрасць робяць вас яркім прыкладам палітычнага лідара, які паспяхова вырашае складаныя дзяржаўныя задачы", - падкрэсліў Аляксандр Лукашэнка.
Кіраўнік дзяржавы адзначыў, што ўпэўненае і дынамічнае развіццё Рэспублікі Таджыкістан непарыўна звязана з праводзімай лідарам краіны паслядоўнай і ўзважанай палітыкай, якая дае магчымасць забяспечваць няўхільны рост аўтарытэту краіны на міжнароднай арэне і дабрабыту яе народа, захоўваць мір і згоду ў грамадстве.
"Шчыра ўдзячны за ваш канструктыўны і зацікаўлены падыход да развіцця беларуска-таджыкскіх адносін. Упэўнены, што наша будучая сустрэча ў сонечным і гасцінным Душанбэ надасць дадатковы імпульс шматпланаваму стратэгічнаму супрацоўніцтву дзвюх краін у інтарэсах брацкіх народаў", - падкрэсліў кіраўнік дзяржавы.
Аляксандр Лукашэнка пажадаў Эмамалі Рахмону моцнага здароўя, дабрабыту і дасягнення намечаных мэт.-0-