ДЗЯРЖОРГАНЫДЗЯРЖОРГАНЫ
Субота, 28 лістапада 2020
Мінск Суцэльная воблачнасць 0°C
Усе навіны
Усе навіны
Прэзідэнт
20 лістапада 2020, 17:02

Лукашэнка - работнікам "Гомсельмаша": асабліва мяне радуе, што вы выйшлі на траекторыю росту

У час наведвання
У час наведвання

20 лістапада, Гомель /Кар. БЕЛТА/. Прэзідэнт Беларусі Аляксандр Лукашэнка адзначае пазітыўныя вынікі работы ААТ "Гомсельмаш". Аб гэтым ён заявіў сёння, размаўляючы з работнікамі прадпрыемства, перадае карэспандэнт БЕЛТА.

Гаворачы пра прычыну свайго візіту на "Гомсельмаш", кіраўнік дзяржавы растлумачыў: "Я хацеў паглядзець, наколькі новае кіраўніцтва прадпрыемства рэалізавала тыя абяцанні, якія мне даваліся пры назначэнні (Аляксандр Новікаў быў узгоднены на пасаду генеральнага дырэктара ААТ "Гомсельмаш" у сакавіку 2019 года. - Заўвага БЕЛТА). Павінен сказаць, што і новы дырэктар, і галоўны канструктар - малайцы, сплаў вопыту і маладосці", - сказаў Аляксандр Лукашэнка.

"Асабліва мяне радуе, што вы выйшлі на траекторыю росту. Няхай з падтрымкай, дапамогай нейкай, але вы не працуеце на склад, - адзначыў ён. - Вы вырабляеце той тавар і прадукт, які патрэбны краіне. І 75 працэнтаў тавару вы вырабляеце, які мы прадаём за межы і атрымліваем валюту".

Кіраўнік дзяржавы звярнуў увагу, што на ўстойлівую работу і добрыя эканамічныя паказчыкі выходзяць усе прадпрыемствы, якія ўваходзяць у холдынг "Гомсельмаш", у тым ліку "Лідаграпраммаш" і "Гомельскі завод ліцця і нармалей". Хоць пры стварэнні холдынга былі крытычныя заўвагі і апасенні наконт далучэння да "Гомсельмаша" стратных заводаў. "Вось мы гэта перажылі, мы гэта вытрымалі, і сёння і вы добра працуеце, і тыя прадпрыемствы выцягнулі", - даў станоўчую ацэнку кіраўнік дзяржавы.

Прэзідэнт падкрэсліў, што галоўнае - і ў далейшым забяспечваць высокую якасць прадукцыі, каб яна была канкурэнтаздольнай, а значыць - і запатрабаванай. Гэта асабліва важна, улічваючы ўсё большую глабальную канкурэнцыю на рынку машынабудавання. "Вам цяжка ў тым плане, што такіх, як вы, у свеце - шмат. І вам для таго, каб прадаць сваю прадукцыю, даводзіцца грызці зубамі і не толькі расійскі рынак, але ўжо і Афрыку. Ад гэтага нікуды не дзецца, калі мы хочам застацца з машынабудаваннем, - канстатаваў кіраўнік дзяржавы. - Машынабудаванне трэба трымаць, таму што гэта аўтарытэт, гэта твар нацыі". У шэрагу іншых краін постсавецкай прасторы, як заўважыў Прэзідэнт, гэта галіна або адсутнічае зусім, або яна разбурана, і яны купляюць беларускую тэхніку.

"Здорава папрацавалі па імпартазамяшчэнні", - заўважыў беларускі лідар, падкрэсліўшы, што такім чынам эканомяцца мільёны долараў. "Можна шмат пералічваць вашых паспяховых крокаў. Але вы зрабілі добры крок наперад. Мяне гэта пераконвае ў тым, што грошы, якія дзяржава ў выніку падтрымкі патраціла на вас, не пайшлі ў пясок", - сказаў Аляксандр Лукашэнка.

Адначасова ён канстатаваў, што ў прадпрыемства яшчэ застаецца шэраг праблем. Але Прэзідэнт упэўнены, што іх можна вырашыць на працягу 2-3 гадоў, калі і далей працаваць, як цяпер.

Аляксандр Лукашэнка асабліва падзякаваў працоўнаму калектыву прадпрыемства за работу, у тым ліку і ў гэты няпросты для краіны час. "У бягучым годзе нашы вяскоўцы здзейснілі подзвіг. У той час як некаторыя бадзяліся па вуліцах (няхай няшмат, але ў Гомелі гэта было, асабліва на пачатковым этапе, і да гэтага часу па Мінску некаторыя ў нядзелю ходзяць), вяскоўцы працавалі ад відна і да цямна. А як яны маглі працаваць без вас? Таму вы ўнеслі вялікі ўклад у каравай, які мы сёння маем", - растлумачыў беларускі лідар.

"Трымайцеся за гэты завод. Вы нікому ў гэтым жыцці нідзе не патрэбны", - звярнуўся да работнікаў Прэзідэнт. Ён звярнуў увагу, што з развіццём другой хвалі пандэміі каранавіруса, пацвярджаюцца яго прагнозы, зробленыя яшчэ вясной. "Я грубавата тады сказаў: калі спынімся - жэрці што будзем? Вось яно і адбываецца. Сёння аказваецца, што Лукашэнка меў рацыю - закрывацца нельга, і ніхто ў свеце не закрываецца. Знешне не закрываецца, але многія спынілі вытворчасць", - заўважыў беларускі лідар. У гэтай сітуацыі, паводле слоў Прэзідэнта, Беларусь нарасціла экспарт харчовай прадукцыі - на 7 працэнтаў вышэй за ўзровень 2019 года.

"Свет змяніўся, але ці то яшчэ будзе. Таму недзе трэба і пацярпець. Страшная сітуацыя на планеце, жахлівая. І гэта выліваецца ў тыя сутыкненні, якія вакол адбываюцца і нас так крылом зачапіла. Ды яшчэ дабавіла пандэмія, - адзначыў Аляксандр Лукашэнка. - Мы дамовіліся нядаўна з расіянамі, што мільярд долараў мы ім у гэтым годзе не плацім (яны адклалі нашы даўгі). Пяцьсот мільёнаў долараў мы ў іх запазычылі праз Еўразійскі банк. Я думаў, падтрымаем машынабудаванне і іншае. А нічога падобнага, усе пяцьсот мільёнаў я пакуль трымаю і фінансую лячэнне людзей ад кавіда. Здароўе людзей - галоўнае, і нікуды ад гэтага не дзенешся. Таму недзе трэба пацярпець, сціснуўшы зубы, - вельмі няпросты будзе наступны год".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі