17 лістапада, Мінск /Кар. БЕЛТА/. У Беларусі моўнае пытанне вырашана раз і назаўсёды. Аб гэтым Прэзідэнт Беларусі Аляксандр Лукашэнка заявіў, адказваючы на пытанні журналістаў пасля галасавання на выбарах дэпутатаў Палаты прадстаўнікоў, перадае карэспандэнт БЕЛТА.
Разам з тым Прэзідэнт не выключыў, што роля беларускай мовы з часам абавязкова будзе ўзрастаць. "Яна павялічваецца ўжо. Але пытанне мовы ў нас вырашана раз і назаўсёды", - заявіў Аляксандр Лукашэнка.
Кіраўнік дзяржавы нагадаў, што адпаведную заяву ён зрабіў і ў Пасланні беларускаму народу і Нацыянальнаму сходу ў красавіку бягучага года. "Не ўзнімайце гэта пытанне наогул, яно закрыта ў Беларусі. У нас дзве дзяржаўныя мовы - руская і беларуская. Не ўкраінская, не расійская, а руская. Вы разумееце - руская, у якую мы душу ўклалі. Людзі гінулі, разам з рускімі ваявалі. Гэта наш агульны здабытак, - сказаў тады Прэзідэнт. - Калі хто-небудзь хоча страціць розум, ён страціць рускую мову! Калі ён хоча страціць сваё сэрца, ён страціць беларускую мову! Што вы хочаце страціць - розум або сэрца?"-0-