22 лютага, Мінск /Кар. БЕЛТА/. Прэзідэнт Беларусі Аляксандр Лукашэнка прывёз у Сочы карзіну беларускіх прадуктаў у падарунак Прэзідэнту Расіі Уладзіміру Пуціну. Фатаграфію падарунка апублікаваў Telegram-канал "Пул Першага", паведамляе БЕЛТА.
У карзіне ў асноўным мясныя прадукты і сыры розных беларускіх вытворцаў. У тым ліку, мяркуючы па этыкетках, прысутнічаюць хамон і сыр пармезан. Хоць ёсць і больш традыцыйныя для Беларусі прадукты, напрыклад, сала.
Раней на перагаворах Прэзідэнт Расіі даў высокую ацэнку беларускім прадуктам харчавання. "У Расіі вялікай папулярнасцю карыстаюцца прадукты з Беларусі: яны заўсёды якасныя, даступныя па цане", - сказаў ён.-0-
