25 студзеня, Мінск /Кар. БЕЛТА/. Прэзідэнт Беларусі Аляксандр Лукашэнка 25 студзеня прыняў з дакладам кіраўніка Адміністрацыі Прэзідэнта Рэспублікі Беларусь Ігара Сергяенку, перадае карэспандэнт БЕЛТА.
Галоўнымі тэмамі, якія абмяркоўваліся ў час сустрэчы, сталі падрыхтоўка да маючых адбыцца выбараў дэпутатаў і кадравыя пытанні.
"Як у нас ідуць справы з выбарным працэсам? - пацікавіўся Прэзідэнт, удакладніўшы, ці патрэбны які-небудзь удзел з яго боку. - Можа, нейкія ёсць недахопы, просьбы і гэтак далей?"
Кіраўнік дзяржавы таксама пацікавіўся сітуацыяй з кадрамі: "У нас некалькі вакансій. Толькі што я перагаварыў з Хаджаевым (Аляксандрам Хаджаевым, які назначаны міністрам аховы здароўя. - Заўвага БЕЛТА). Думаю, што гэта будзе нядрэнны міністр". Аляксандр Лукашэнка сказаў, што падпісаў адпаведны ўказ аб назначэнні і даручыў 26 студзеня прадставіць новага кіраўніка калектыву Міністэрства аховы здароўя. "Каб прэм'ер-міністр прадставіў яго і паставіў задачы, якія павінны быць абазначаны перад міністэрствам", - растлумачыў Прэзідэнт.
Пасля мерапрыемства ў кіраўніка дзяржавы Ігар Сергяенка расказаў журналістам, што далажыў Прэзідэнту, у прыватнасці, пра бягучую грамадска-палітычную абстаноўку ў краіне, асноўныя тэндэнцыі яе развіцця, а таксама пра работу, якая праводзіцца ў рамках выбарчай кампаніі. "На гэтым этапе фактычна завершана работа па фарміраванні выбарчых участкаў, цяпер акруговымі камісіямі праводзіцца праверка ўсіх кандыдатаў у дэпутаты, якая будзе завершана 30 студзеня. Затым - агітацыйная кампанія, потым пераходзім непасрэдна да адзінага дня галасавання, які пройдзе ў краіне 25 лютага", - сказаў ён. Кіраўнік Адміністрацыі падкрэсліў, што ўся работа ў гэтым напрамку праходзіць у штатным рэжыме, у адпаведнасці з каляндарным планам падрыхтоўкі і правядзення адзінага дня галасавання.
Другі блок пытанняў датычыўся прапаноў і падыходаў па правядзенні першага пасяджэння Усебеларускага народнага сходу, якое ў адпаведнасці з законам аб УНС павінна прайсці ва ўстаноўленыя тэрміны - папярэдне не пазней за 25 красавіка. "Правядзенню гэтага мерапрыемства папярэднічае сур'ёзная падрыхтоўка, шэраг арганізацыйных мерапрыемстваў, пачынаючы з выбараў дэлегатаў, фарміравання парадку дня і іншых", - растлумачыў Ігар Сергяенка.
Паводле яго слоў, Аляксандр Лукашэнка таксама цікавіўся работай Адміністрацыі Прэзідэнта па фарміраванні кадравага рэестра кіраўніка дзяржавы, падборы кандыдатаў на дзяржслужбу ў адпаведнасці з канцэпцыяй кадравай палітыкі, якая была зацверджана ўказам Прэзідэнта ў пачатку бягучага года. Ігар Сергяенка падкрэсліў, што гэта работа вядзецца ў планавым парадку.
Адказваючы на пытанне, ці адчуваецца ў краіне кадравы дэфіцыт на пасады высокага ўзроўню, кіраўнік Адміністрацыі сказаў: "Я не сказаў бы, што ў нас кадравы голад, але кадравыя праблемы пры назначэнні на асобныя кіруючыя пасады ёсць".
"Думаю, многія кіраўнікі са мной пагодзяцца, што работа па падборы кадраў - самая складаная, - прадоўжыў ён. - У кожнага кіраўніка, які думае пра будучыню свайго прадпрыемства, раёна, вобласці, працоўны дзень пачынаецца з гэтага пытання і завяршаецца ім. Таленавітых людзей шмат , іх трэба знаходзіць, для гэтага існуе мноства форм - каб вылучыць чалавека, які будзе выконваць работу, а не проста гаварун і выскачка".-0-
Галоўнымі тэмамі, якія абмяркоўваліся ў час сустрэчы, сталі падрыхтоўка да маючых адбыцца выбараў дэпутатаў і кадравыя пытанні.
"Як у нас ідуць справы з выбарным працэсам? - пацікавіўся Прэзідэнт, удакладніўшы, ці патрэбны які-небудзь удзел з яго боку. - Можа, нейкія ёсць недахопы, просьбы і гэтак далей?"
Кіраўнік дзяржавы таксама пацікавіўся сітуацыяй з кадрамі: "У нас некалькі вакансій. Толькі што я перагаварыў з Хаджаевым (Аляксандрам Хаджаевым, які назначаны міністрам аховы здароўя. - Заўвага БЕЛТА). Думаю, што гэта будзе нядрэнны міністр". Аляксандр Лукашэнка сказаў, што падпісаў адпаведны ўказ аб назначэнні і даручыў 26 студзеня прадставіць новага кіраўніка калектыву Міністэрства аховы здароўя. "Каб прэм'ер-міністр прадставіў яго і паставіў задачы, якія павінны быць абазначаны перад міністэрствам", - растлумачыў Прэзідэнт.
Пасля мерапрыемства ў кіраўніка дзяржавы Ігар Сергяенка расказаў журналістам, што далажыў Прэзідэнту, у прыватнасці, пра бягучую грамадска-палітычную абстаноўку ў краіне, асноўныя тэндэнцыі яе развіцця, а таксама пра работу, якая праводзіцца ў рамках выбарчай кампаніі. "На гэтым этапе фактычна завершана работа па фарміраванні выбарчых участкаў, цяпер акруговымі камісіямі праводзіцца праверка ўсіх кандыдатаў у дэпутаты, якая будзе завершана 30 студзеня. Затым - агітацыйная кампанія, потым пераходзім непасрэдна да адзінага дня галасавання, які пройдзе ў краіне 25 лютага", - сказаў ён. Кіраўнік Адміністрацыі падкрэсліў, што ўся работа ў гэтым напрамку праходзіць у штатным рэжыме, у адпаведнасці з каляндарным планам падрыхтоўкі і правядзення адзінага дня галасавання.
Другі блок пытанняў датычыўся прапаноў і падыходаў па правядзенні першага пасяджэння Усебеларускага народнага сходу, якое ў адпаведнасці з законам аб УНС павінна прайсці ва ўстаноўленыя тэрміны - папярэдне не пазней за 25 красавіка. "Правядзенню гэтага мерапрыемства папярэднічае сур'ёзная падрыхтоўка, шэраг арганізацыйных мерапрыемстваў, пачынаючы з выбараў дэлегатаў, фарміравання парадку дня і іншых", - растлумачыў Ігар Сергяенка.
Паводле яго слоў, Аляксандр Лукашэнка таксама цікавіўся работай Адміністрацыі Прэзідэнта па фарміраванні кадравага рэестра кіраўніка дзяржавы, падборы кандыдатаў на дзяржслужбу ў адпаведнасці з канцэпцыяй кадравай палітыкі, якая была зацверджана ўказам Прэзідэнта ў пачатку бягучага года. Ігар Сергяенка падкрэсліў, што гэта работа вядзецца ў планавым парадку.
Адказваючы на пытанне, ці адчуваецца ў краіне кадравы дэфіцыт на пасады высокага ўзроўню, кіраўнік Адміністрацыі сказаў: "Я не сказаў бы, што ў нас кадравы голад, але кадравыя праблемы пры назначэнні на асобныя кіруючыя пасады ёсць".
"Думаю, многія кіраўнікі са мной пагодзяцца, што работа па падборы кадраў - самая складаная, - прадоўжыў ён. - У кожнага кіраўніка, які думае пра будучыню свайго прадпрыемства, раёна, вобласці, працоўны дзень пачынаецца з гэтага пытання і завяршаецца ім. Таленавітых людзей шмат , іх трэба знаходзіць, для гэтага існуе мноства форм - каб вылучыць чалавека, які будзе выконваць работу, а не проста гаварун і выскачка".-0-
