28 кастрычніка, Мінск /Кар. БЕЛТА/. Прэзідэнт Беларусі Аляксандр Лукашэнка прыняў удзел у ІІІ Мінскай міжнароднай канферэнцыі па еўразійскай бяспецы, паведамляе БЕЛТА.
Канферэнцыя ў гэтым годзе праводзіцца 28-29 кастрычніка. Яна ўжо стала адной з вядомых міжнародных пляцовак для абмеркавання актуальных пытанняў рэгіянальнай і глабальнай стабільнасці.
У рабоце канферэнцыі прымаюць удзел дэлегацыі больш як 40 дзяржаў і 7 міжнародных арганізацый. Сярод удзельнікаў - міністры замежных спраў, кіраўнікі інтэграцыйных аб'яднанняў, прадстаўнікі парламентаў, даследчых інстытутаў і аналітычных цэнтраў з Еўропы, Азіі, Блізкага Усходу.
Асноўная тэма канферэнцыі - "Глабальны сусветны (бес)парадак і галаваломка еўразійскай бяспекі". Дыскусіі будуць сканцэнтраваны на аналізе ключавых тэндэнцый міжнародных адносін, выпрацоўцы падыходаў да фарміравання новай архітэктуры бяспекі, заснаванай на прынцыпах роўнасці, непадзельнасці і ўзаемнай павагі.
Асаблівая ўвага ўдзелена дыялогу паміж Усходам і Захадам, умацаванню мер даверу і прадухіленню канфрантацыі.
Беларускі бок паслядоўна выступае за развіццё нейтральнай інклюзіўнай пляцоўкі, дзе прадстаўнікі розных дзяржаў і палітычных школ могуць адкрыта абменьвацца думкамі без націску і прадузятых ацэнак. Мэта канферэнцыі - не дабіцца згоды любой цаной, а стварыць прастору, дзе можна быць пачутым, што сёння набывае асаблівую каштоўнасць ва ўмовах усё большай міжнароднай турбулентнасці.-0-
Падпісвайцеся на нас у
