5 ліпеня, Магілёў /Кар. БЕЛТА/. Прэзідэнт Беларусі Аляксандр Лукашэнка прыме ўдзел у адкрыцці музея Славы Магілёўшчыны, паведамляе БЕЛТА.
Кіраўнік дзяржавы азнаёміцца з экспазіцыяй музея, сустрэнецца з прадстаўнікамі працоўных калектываў, грамадскасці і моладзі Магілёва і Магілёўскага раёна.
Музей Славы Магілёўшчыны размешчаны ў Магілёўскім раёне побач з легендарным Буйніцкім полем, дзе ішлі самыя бязлітасныя абарончыя баі на подступах да абласнога цэнтра. Першапачаткова музей планавалі прысвяціць толькі воінскай славе, але ў выніку канцэпцыя была пашырана. Цяпер экспазіцыя адлюстроўвае не толькі ваеннае мінулае, але і гісторыю ўсяго рэгіёна, а таксама асноўныя этапы яго развіцця і дасягненні.
Кіраўнік дзяржавы азнаёміцца з экспазіцыяй музея, сустрэнецца з прадстаўнікамі працоўных калектываў, грамадскасці і моладзі Магілёва і Магілёўскага раёна.
Музей Славы Магілёўшчыны размешчаны ў Магілёўскім раёне побач з легендарным Буйніцкім полем, дзе ішлі самыя бязлітасныя абарончыя баі на подступах да абласнога цэнтра. Першапачаткова музей планавалі прысвяціць толькі воінскай славе, але ў выніку канцэпцыя была пашырана. Цяпер экспазіцыя адлюстроўвае не толькі ваеннае мінулае, але і гісторыю ўсяго рэгіёна, а таксама асноўныя этапы яго развіцця і дасягненні.
У афармленні экспазіцыі, размешчанай на двух паверхах будынка музея, пабудаванага ў выглядзе ордэна Айчыннай вайны, выкарыстаны самыя сучасныя тэхналогіі. Гэта сімвалічна, паколькі Магілёў быў удастоены гэтай узнагароды за мужнасць і стойкасць, праяўленыя працоўнымі горада ў гады Вялікай Айчыннай вайны, і за поспехі, дасягнутыя ў гаспадарча-культурным будаўніцтве.
Мультымедыйны фармат, розныя інтэрактывы, стварэнне эфекту прысутнасці - усё гэта дапаможа наведвальнікам яшчэ больш прасякнуцца гісторыяй вобласці. Аб'ект таксама будзе выконваць функцыю культурна-адукацыйнага цэнтра.
Узвядзенне музея было пачата ў 2023 годзе і часткова фінансавалася за кошт сродкаў Саюзнай дзяржавы. Акрамя ўдзельнікаў з беларускага боку на мерапрыемства запрошаны дзяржаўны сакратар Саюзнай дзяржавы Сяргей Глазьеў, губернатар Смаленскай вобласці Васіль Анохін і губернатар Бранскай вобласці Аляксандр Багамаз.-0-
Падпісвайцеся на нас у
