Мабільная версія
ДЗЯРЖОРГАНЫ

Апошнія навіны
Усе навіны

Лукашэнка прымае ўдзел у нефармальным саміце СНД

Прэзідэнт 06.12.2018 | 16:57

6 снежня, Санкт-Пецярбург /Міхаіл Маціеўскі - БЕЛТА/. Прэзідэнт Беларусі Аляксандр Лукашэнка прымае ўдзел у нефармальным саміце Садружнасці Незалежных Дзяржаў, перадае карэспандэнт БЕЛТА.

Мерапрыемства пачалося практычна адразу ж пасля пасяджэння Вышэйшага Еўразійскага эканамічнага савета. Сустрэча кіраўнікоў дзяржаў Садружнасці запланавана ў фармаце нефармальнага абеду ад імя Прэзідэнта Расіі Уладзіміра Пуціна.

Лідары краін падвядуць вынікі супрацоўніцтва ў бягучым годзе, абмяркуюць выкананне дасягнутых раней дамоўленасцей і далейшае развіццё ўзаемадзеяння ў СНД.

Пляцоўкай для саміту выбраны "Ленінград Цэнтр". Ён пазіцыянуецца як першая ў Расіі шоу-прастора, цэнтр сучаснай культуры забаў, які прапануе пазнаёміцца з мастацтвам па-за фарматамі і рамкамі.

"Ленінград Цэнтр" размешчаны ў асабняку на Пацёмкінскай вуліцы. Будынак мае больш як стагадовую гісторыю, цесна звязаную з культурай, мастацтвам і свецкім жыццём горада. Да рэвалюцыі тут праходзілі выставы Імператарскага расійскага таварыства садоўніцтва, а ў сярэдзіне XX стагоддзя ў ім знаходзіўся панарамны кінатэатр "Ленінград".

У пачатку 2000-х асабняк рэканструяваў вядомы іспанскі архітэктар Рыкарда Бафіл. Сярод яго работ - будынак Нацыянальнага тэатра Каталогіі ў Барселоне, галаўныя офісы кампаній Cartier і Christian Dior у Парыжы.-0-

Версія для друку
Навіны рубрыкі Прэзідэнт
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Хто часцей за ўсё наведвае Беларусь па бязвізавым рэжыме Паводле даных на 29 лістапада, магчымасцямі 30-дзённага бязвізавага знаходжання ў Беларусі скарысталіся амаль 179 тыс. грамадзян розных краін.