Мабільная версія
ДЗЯРЖОРГАНЫ

Апошнія навіны
Усе навіны

Лукашэнка прыйшоў на "Дынама" пабалець за беларускіх лёгкаатлетаў у фінале каманднага турніру II Еўрапейскіх гульняў

Прэзідэнт 28.06.2019 | 18:20

28 чэрвеня, Мінск /Кар. БЕЛТА/. Прэзідэнт Беларусі Аляксандр Лукашэнка прыбыў на стадыён "Дынама", дзе праходзіць фінал каманднага турніру па лёгкай атлетыцы II Еўрапейскіх гульняў, перадае карэспандэнт БЕЛТА.

Акрамя зборнай Беларусі за перамогу ў фінале спаборнічалі атлеты з Францыі, Італіі, Чэхіі, Украіны і Германіі.

Фінальныя спаборніцтвы па лёгкай атлетыцы выклікалі вялікую глядацкую цікавасць. Спаборніцтвы праходзілі пры практычна поўных трыбунах шматтысячнага стадыёна і актыўнай падтрымцы балельшчыкаў.

Аляксандр Лукашэнка прысутнічаў на стадыёне і ў час ўзнагароджвання атлетаў. Беларуская каманда па выніках спаборніцтваў заваявала сярэбраныя медалі, толькі крыху ўступіўшы зборнай Украіны. Разам з тым беларускія спартсмены першынствавалі ў пяці з васьмі спаборніцтваў і на момант фінальнай эстафеты праследавання абедзве каманды мелі аднолькавую колькасць балаў. На трэцяй прыступцы п'едэстала размясціліся спартсмены з Германіі.

Фармат турніру прадугледжвае выступленне ў васьмі відах, па выніках кожнага налічваюцца ачкі, а ў дзявятым, эстафеце праследавання, каманды стартавалі ў залежнасці ад адставання ў агульным заліку. Гэты новы фармат спаборніцтваў атрымаў назву "Дынамічная новая лёгкая атлетыка" (DNA).

Як паведамлялася БЕЛТА, напярэдадні кіраўнік дзяржавы наведаў спаборніцтвы па веславанні, у ходзе якіх беларускія спартсмены значна папоўнілі скарбонку каманды залатымі медалямі спартыўнага форуму.-0-

Версія для друку
Навіны рубрыкі Прэзідэнт
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Дзіцячае "Еўрабачанне-2019" Міжнародны дзіцячы конкурс песні "Еўрабачанне-2019" пройдзе 24 лістапада ў г. Глівіцэ (Польшча).