16 верасня, Самарканд /Кар. БЕЛТА/. Прэзідэнт Беларусі Аляксандр Лукашэнка прыбыў у кангрэс-цэнтр у Самаркандзе для ўдзелу ў пасяджэнні Савета кіраўнікоў дзяржаў - членаў Шанхайскай арганізацыі супрацоўніцтва ў пашыраным складзе, перадае карэспандэнт БЕЛТА.
Пасяджэнне прайшло ўжо ў вузкім складзе - з удзелам членаў ШАС. Гэта Кітай, Расія, Індыя, Узбекістан, Пакістан, Казахстан, Таджыкістан і Кыргызстан. Бакі абмяняліся думкамі па актуальнай рэгіянальнай і міжнароднай праблематыцы ў кантэксце развіцця палітычнай і эканамічнай сітуацыі ў рэгіёне.
Пашыраны фармат прадугледжвае ўдзел кіраўнікоў дзяржаў-наглядальнікаў, уключаючы Беларусь, і ганаровых гасцей. Аляксандр Лукашэнка ў сваім выступленні агучыць прыярытэты ўзаемадзеяння Беларусі ў фармаце ШАС, таксама з улікам пададзенай раней заяўкі на далучэнне краіны да гэтай арганізацыі ў якасці паўнапраўнага члена. Размова таксама пойдзе аб актуальных пытаннях міжнароднага парадку дня.-0-
