7 чэрвеня, Мінск /Кар. БЕЛТА/. Прэзідэнт Беларусі Аляксандр Лукашэнка прыбыў на цырымонію адкрыцця ў Мінску Нацыянальнага футбольнага стадыёна, перадае карэспандэнт БЕЛТА.
Кіраўніка дзяржавы каля ўвахода на стадыён сустракалі адказныя службовыя асобы і дзяўчаты-спартсменкі, якія па існуючай традыцыі перадалі Прэзідэнту букет кветак. Першае пытанне, якое Аляксандр Лукашэнка адрасаваў прысутным: "Будзем перамагаць? Калі?"
Недалёка ад увахода Прэзідэнт спыніўся каля скульптурнай кампазіцыі, якая ўяўляе сабой футбольных ігракоў з мячом. Наконт гэтага кіраўнік дзяржавы заўважыў, што тут было б дарэчы размясціць помнік Старшыні КНР Сі Цзіньпіну. Бо менавіта дамоўленасці на вышэйшым узроўні кіраўнікоў Кітая і Беларусі далі магчымасць ажыццявіць будаўніцтва маштабнага футбольнага стадыёна ў Мінску.
Кіраўніку дзяржавы было коратка даложана аб рэалізацыі праекта і перспектывах эксплуатацыі стадыёна. Акцэнт быў зроблены на тым, што гэта пляцоўка пабудавана ў адпаведнасці з патрабаваннямі міжнародных футбольных арганізацый ФІФА і УЕФА, і пачата працэдура па атрыманні неабходных акрэдытацый. Матч, згуляны ў дзень адкрыцця, з'яўляецца тэставым для гэтага, на ім прысутнічаюць 33 тыс. гледачоў.
У цэлым вакол Нацыянальнага футбольнага стадыёна сфарміраваўся своеасаблівы спартыўна-аздараўленчы квартал. Побач размешчаны мадэрнізаваны стадыён "Трактар" і цэнтр па спартыўнай гімнастыцы "Кольцы славы", а таксама рэканструяваны парк 50-годдзя Кастрычніка. Такім чынам цалкам добраўпарадкавана тэрыторыя паміж Партызанскім праспектам і вуліцай Даўгабродскай. Аляксандр Лукашэнка звярнуў увагу на тое, каб на ўсіх прылеглых да стадыёна плошчах максімальна захоўваліся дрэвы і зялёныя насаджэнні.
Першай гульнёй на новым Нацыянальным футбольным стадыёне стаў матч маладзёжных зборных Беларусі і Кітая.
Будаўніцтва стадыёна пачалося ў жніўні 2020 года і было завершана ў снежні 2024-га. Рэалізацыяй праекта пад ключ займаўся кітайскі бок. Нацыянальны футбольны стадыён будаваўся паралельна з басейнам міжнароднага стандарту на вул. Кальварыйскай: абодва аб'екты сталі падарункам беларускаму народу ад кітайскіх партнёраў.
Стадыён здольны ўмясціць больш за 33 тыс. балельшчыкаў. Ён адпавядае ўсім крытэрыям для атрымання 4-й катэгорыі UEFA, гэта значыць тут можна праводзіць матчы чэмпіянатаў Еўропы і свету, Лігі чэмпіёнаў УЕФА і Лігі Еўропы, а таксама Суперкубка УЕФА.-0-
Падпісвайцеся на нас у
