14 чэрвеня, Бішкек /Уладзімір Мацвееў - БЕЛТА/. Прэзідэнт Беларусі Аляксандр Лукашэнка прыбыў на саміт Шанхайскай арганізацыі супрацоўніцтва, які праходзіць у Бішкеку ў дзяржаўнай рэзідэнцыі "Ала-Арча", перадае карэспандэнт БЕЛТА.
На ўваходзе ў Кангрэс-хол беларускага лідара вітаў Прэзідэнт Кыргызстана Сааранбай Жээнбекаў.
Аляксандр Лукашэнка як кіраўнік дзяржавы - наглядальніцы пры ШАС прыме ўдзел у пасяджэнні Савета кіраўнікоў дзяржаў у пашыраным складзе. Прэзідэнт у сваім выступленні акрэсліць пазіцыю Беларусі па актуальнай міжнароднай тэматыцы і далейшым развіцці супрацоўніцтва ў рамках гэтага інтэграцыйнага аб'яднання. На палях саміту таксама пройдуць двухбаковыя сустрэчы з лідарамі замежных краін.-0-
