Сцяг Субота, 13 красавіка 2024
Усе навіны
Усе навіны
Прэзідэнт
10 лютага 2023, 10:45

Лукашэнка правядзе нараду па цэнах

10 лютага, Мінск /Кар. БЕЛТА/. Прэзідэнт Беларусі Аляксандр Лукашэнка правядзе нараду па цэнаўтварэнні, паведамляе БЕЛТА.

Жорсткія даручэнні ў сферы цэнаўтварэння перад урадам і мясцовай вертыкаллю ўлады Прэзідэнт паставіў восенню мінулага года. "Я вымушаны ўмешвацца ў сітуацыю. Ужо відавочна, што ўрад, прафсаюзы, аблвыканкамы і Мінгарвыканкам, дэпутаты, Камітэт дзяржкантролю не спраўляюцца з валам цэн", - заявіў Аляксандр Лукашэнка на нарадзе з эканамічным блокам урада 6 кастрычніка.

"Можна часткова зразумець рост цэн на імпартныя тавары. Але чаму мы назіраем пастаяннае павышэнне кошту таго, што вырабляем самі з айчыннай сыравіны? - задаў слушнае пытанне Прэзідэнт. - Цэны на сыравіну не выраслі, на паліва і іншае, што мы заўсёды стагналі (рост цэн на нафту, на газ і гэтак далей), таксама не выраслі".

Выказаўся кіраўнік дзяржавы і наконт асобных дзялкоў: "Спачатку паднялі цэны на падрослы курс, а калі наш рубель умацаваўся, адкруціць цэннік назад чамусьці "забылі".

"Выключыце са свайго абароту словы "сацыяльна значная прадукцыя". Прадукцыя з сённяшняга дня не павінна дзяліцца на нейкую значную і не значную", - запатрабаваў Прэзідэнт.

У выніку Аляксандр Лукашэнка падпісаў Дырэктыву нумар 10, у адпаведнасці з якой да выпрацоўкі ўрадам мер рэгулявання цэн фактычна ўводзіўся мараторый на іх рост. З 19 кастрычніка ўступіла ў сілу пастанова Саўміна нумар 713 "Аб сістэме рэгулявання цэн".

У далейшым Аляксандр Лукашэнка яшчэ неаднаразова вяртаўся да тэмы цэнаўтварэння ў ходзе розных мерапрыемстваў з удзелам членаў урада.-Э-

Падпісвайцеся на нас у
Twitter
Топ-навіны
Свежыя навіны Беларусі