Сцяг Пятніца, 21 чэрвеня 2024
Усе навіны
Усе навіны
Прэзідэнт
09 мая 2024, 09:05

Лукашэнка: праўда аб Вялікай Перамозе ахоўвае нашу зямлю ад пагроз новага часу

9 мая, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў суайчыннікаў з Днём Перамогі, паведамілі БЕЛТА ў прэс-службе беларускага лідара.

"Гэта свяшчэннае свята адгукаецца ў нашых сэрцах вялікай радасцю і бязмернай удзячнасцю савецкаму народу, які знішчыў фашызм і выратаваў будучыню чалавецтва цаной мільёнаў жыццяў, - гаворыцца ў віншаванні. - У кожным кутку, кожнай сям'і Беларусі спароджаная нянавісцю і ідэямі сусветнага панавання вайна пакінула незагойныя раны ад жудасных злачынстваў гітлераўскіх катаў і іх памагатых".

Гераічная барацьба з ворагам і самаадданая праца ў тыле сталі праявай усенароднага супраціўлення і гатоўнасці беларусаў да самаахвяравання, падкрэсліў кіраўнік дзяржавы.

"Адзінства нашых продкаў, іх любоў да Радзімы і шчырая вера ў перамогу назаўсёды сталі маральнымі арыенцірамі для ўдзячных пакаленняў мірнай і незалежнай беларускай дзяржавы, - канстатаваў Прэзідэнт. - Праз гады праўда аб Вялікай Перамозе ахоўвае нашу зямлю ад пагроз новага часу, а ўсё чалавецтва - ад адраджэння разбуральных ідэй нацызму".

Беларускі народ свята шануе памяць загінулых і ніколі не забудзе імёны бязвінных мучанікаў і славу мужных абаронцаў і вызваліцеляў, звярнуў увагу Аляксандр Лукашэнка.

Прэзідэнт пажадаў ветэранам моцнага здароўя і даўгалецця, а таксама шчасця, міру і дабра ў кожны дом.

Віншаванне Прэзідэнта Беларусі Аляксандра Лукашэнкі з Днём Перамогі

Дарагія суайчыннікі!

Віншую вас з Днём Перамогі!

Гэта свяшчэннае свята адгукаецца ў нашых сэрцах вялікай радасцю і бязмернай удзячнасцю савецкаму народу, які знішчыў фашызм і выратаваў будучыню чалавецтва цаной мільёнаў жыццяў.

У кожным кутку, кожнай сям'і Беларусі спароджаная нянавісцю і ідэямі сусветнага панавання вайна пакінула незагойныя раны ад жудасных злачынстваў гітлераўскіх катаў і іх памагатых.

Гераічная барацьба з ворагам і самаадданая праца ў тыле сталі праявай усенароднага супраціўлення і гатоўнасці беларусаў да самаахвяравання.

Адзінства нашых продкаў, іх любоў да Радзімы і шчырая вера ў перамогу назаўсёды сталі маральнымі арыенцірамі для ўдзячных пакаленняў мірнай і незалежнай беларускай дзяржавы.

Праз гады праўда аб Вялікай Перамозе ахоўвае нашу зямлю ад пагроз новага часу, а ўсё чалавецтва - ад адраджэння разбуральных ідэй нацызму.

Беларускі народ свята шануе памяць загінулых і ніколі не забудзе імёны бязвінных мучанікаў і славу мужных абаронцаў і вызваліцеляў.

Жадаю нашым дарагім ветэранам моцнага здароўя і даўгалецця, а таксама шчасця, міру і дабра ў кожны дом.

Аляксандр Лукашэнка,

9 мая 2024 года.-0-
Падпісвайцеся на нас у
Twitter
Топ-навіны
Свежыя навіны Беларусі