Сцяг Пятніца, 29 сакавіка 2024
Усе навіны
Усе навіны
Прэзідэнт
16 мая 2022, 16:50

Лукашэнка прапануе ў краінах АДКБ пайсці па шляху Кітая ў інфармацыйнай барацьбе ў інтэрнэце

16 мая, Масква /Кар. БЕЛТА/. Прэзідэнт Беларусі Аляксандр Лукашэнка прапануе ў краінах АДКБ пайсці па шляху Кітая ў інфармацыйнай барацьбе ў інтэрнэце. Аб гэтым ён заявіў 16 мая ў Маскве на сустрэчы лідараў краін АДКБ, перадае карэспандэнт БЕЛТА.

"Трэба падумаць сур'ёзна і, можа, пайсці па шляху Кітая ў інфармацыйнай барацьбе, асабліва ў інтэрнэце", - сказаў кіраўнік дзяржавы.

Ён звярнуў увагу на пытанне павышэння эфектыўнасці процідзеяння выклікам і пагрозам у інфармацыйнай прасторы, уключаючы барацьбу з фэйкамі і дэзынфармацыяй. "Зразумела, што супраць нас разгорнута цяпер гібрыдная вайна з састаўной часткай, у якой асноўнай з'яўляецца інфармацыйная вайна. Для таго каб гэтаму процістаяць, варта максімальна выкарыстоўваць патэнцыял пагаднення АДКБ 2017 года аб супрацоўніцтве ў галіне інфармацыйнай бяспекі, актыўней пашыраць АДКБ у сацыяльных сетках, якія інтэнсіўна выкарыстоўваюць нашы заходнія апаненты, у мэтах дзейснага рэагавання на фэйкі і інфармацыйныя ўкіды", - заявіў беларускі лідар.

Паводле яго слоў, адпаведныя задачы павінны быць пастаўлены ўсім - знешнепалітычным ведамствам, спецслужбам і сакратарыяту АДКБ.-0-

Падпісвайцеся на нас у
Twitter
Топ-навіны
Свежыя навіны Беларусі