3 лістапада, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Прэзідэнта Панамы Лаўрэнціна Карціса з Днём Незалежнасці. Аб гэтым БЕЛТА паведамілі ў прэс-службе беларускага лідара.
"Нягледзячы на геаграфічную адлегласць, Беларусь і Панама маюць значны патэнцыял для актывізацыі ўзаемадзеяння па шырокім спектры напрамкаў", - гаворыцца ў віншаванні.
Кіраўнік дзяржавы адзначыў, што ў якасці бясспрэчнага прыярытэту ў Беларусі разглядаюць гандаль і інвестыцыі, прамысловую кааперацыю, падрыхтоўку і павышэнне кваліфікацыі кадраў.
"Карыстаюся выпадкам, каб падкрэсліць імкненне Беларусі да далейшага развіцця дружалюбных міждзяржаўных адносін з Панамай, заснаваных на адкрытасці і ўзаемнай павазе", - падкрэсліў Аляксандр Лукашэнка.-0-
