ДЗЯРЖОРГАНЫДЗЯРЖОРГАНЫ
Флаг Аўторак, 7 лютага 2023
Мінск -3°C
Усе навіны
Усе навіны
Прэзідэнт
20 кастрычніка 2022, 12:52

Лукашэнка прапанаваў людзям выбраць з двух варыянтаў: жыць ціха і спакойна або прайсці праз бяду

У час нарады
У час нарады

20 кастрычніка, Мінск /Кар. БЕЛТА/. Людзям трэба данесці поўную інфармацыю аб сутнасці працэсаў, што адбываюцца, і існуючых пагрозах, каб яны маглі самі ўсвядомлена рабіць вывады і прымаць рашэнні. Аб гэтым Прэзідэнт Беларусі Аляксандр Лукашэнка заявіў на нарадзе па пытаннях фарміравання Усебеларускага народнага сходу і змянення выбарчага заканадаўства, перадае карэспандэнт БЕЛТА.

Гаворачы пра маючую адбыцца ў 2024 годзе выбарчую кампанію, кіраўнік дзяржавы звярнуў увагу, што яна павінна прайсці па новых правілах і не будзе лёгкай. На нарадзе, паводле яго слоў, трэба адказаць на пытанні, чаго не хапае ў плане работы па новых правілах, ці дастаткова мер, якія дазваляюць процідзейнічаць спробам дэзарганізацыі выбараў. Да гэтага трэба рыхтавацца.

Кіраўнік дзяржавы ў сувязі з гэтым падкрэсліў, што падрыхтоўка павінна зводзіцца не толькі да рэагавання на тыя ці іншыя магчымыя дзеянні, накшталт таго, як "выйсці і ў кароткіх спадніцах з разрэзам да пояса кветачкамі памахаць". Але трэба інфармаваць насельніцтва аб сутнасці працэсаў, якія адбываюцца, і існуючых пагрозах, каб людзі маглі самі ўсвядомлена рабіць вывады і прымаць рашэнні. "Вы ведаеце, я даручыў сілавікам і іншым праінфармаваць народ аб тым, што адбываецца. Гэта яшчэ вельмі важная праблема. Усе: "Вось, гэта праблема, Лукашэнка народ запалохаць хоча". Наадварот! Я не хачу, каб вы запалохваліся. Я хачу проста, каб народу данеслі ўсё тое, што адбываецца, амаль на 100 працэнтаў адкрыта. А народ потым няхай прымае рашэнне. Калі за два гады не пераканаліся, што з намі хацелі і хочуць зрабіць, то няхай слухаюць і прымаюць рашэнне. Хочаце праз бяду прайсці - калі ласка. Сцяг у рукі і ідзіце. Хочаце, каб было ціха і спакойна, каб раніцай і вечарам калі не самім у душ схадзіць (хоць, думаю, усе маюць такую магчымасць), дык хоць дзяцей сваіх выкупаць у цёплай вадзе, каб цяпло ў доме было, каб газ, нафта і іншае было, каб было раніцай і вечарам нечага перакусіць, з'есці, адзецца ў што-небудзь, калі вы гэтага хочаце (гэта таксама варыянт), тады зубы сціснулі і наперад, рабіце тое, што я вам гавару", - сказаў беларускі лідар.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі