2 снежня, Мінск /Кар. БЕЛТА/. Прэзідэнт Беларусі Аляксандр Лукашэнка прапанаваў лідарам краін АДКБ правесці ў пашыраным фармаце сустрэчу з абмеркаваннем актуальных пытанняў бяспекі, рэагавання на сучасныя выклікі і пагрозы. Аб гэтым кіраўнік беларускай дзяржавы заявіў на сесіі Савета калектыўнай бяспекі АДКБ, перадае карэспандэнт БЕЛТА.
Беларускі лідар адзначыў у якасці пазітыўнага той факт, што лідары АДКБ праводзяць сёння сустрэчу, няхай і ў анлайн-фармаце, а не вочна.
"Але сітуацыя такая, што мы абавязкова павінны сустрэцца і, улічваючы ўрокі апошніх падзей, абмеркаваць перспектывы нашых дзеянняў, каб гэтага не дапусціць у далейшым ва ўсіх краінах, - сказаў Прэзідэнт. - Нікому нельга самазаспакойвацца ў цяперашняй сітуацыі. Напэўна, усе з нас гэта разумеюць. Таму я прапаную вызначыць час і сустрэцца ў больш шырокім коле - не толькі члены АДКБ, нават не толькі партнёры, як гаварыў тут Прэзідэнт Расіі, але і краіны, якія спагадаюць нам, якія адчуваюць тую небяспеку, якая сёння набліжаецца ў тым ліку і на нас".-0-
